News
Լրահոս
News
Երկուշաբթի
Հունվար 24
USD
481.63
EUR
545.49
RUB
6.17
Տեսնել լրահոսը

Հյուսիսային Կորեան նախազգուշացրել է, որ ստիպված կլինի «ավելի ուժեղ եւ հստակ պատասխան» ցույց տալ այն բանից հետո, երբ ԱՄՆ-ն նոր պատժամիջոցներ սահմանեց Փհենյանի դեմ:

«Եթե ԱՄՆ-ն շարունակի առճակատման դիրքորոշումը, ԿԺԴՀ-ն ստիպված կլինի ավելի ուժեղ եւ հստակ արձագանքել դրան»,- ասվում է ԿԺԴՀ ԱԳՆ ներկայացուցչի՝ հայտարարության մեջ, փոխանցում է «Ինտերֆաքս»-ը։ Նրա խոսքով՝ հիպերձայնային հրթիռների վերջին արձակումներն «ինքնապաշտպանության իրավունքի իրականացում» էին։ «Հյուսիսային Կորեայի կողմից նոր տեսակի զենքի վերջին մշակումն ազգային պաշտպանական կարողությունների արդիականացմանն ուղղված նրա ջանքերի միայն մի մասն էր»,- ասվում է հայտարարության մեջ: «Դրանք (արձակումները) ուղղված չեն եղել որեւէ երկրի կամ ուժի դեմ եւ որեւէ վնաս չեն հասցրել հարեւան երկրների անվտանգությանը», - ասվում է հայտարարության մեջ։

ԱԳՆ ներկայացուցչն ԱՄՆ-ի գործողություններն «ակնհայտ սադրանք» է անվանել եւ մեղադրել Վաշինգտոնին «իրավիճակը միտումնավոր սրելու մեջ»։ «Սա ցույց է տալիս, որ թեեւ ԱՄՆ ներկայիս վարչակազմը շեփորում է դիվանագիտության եւ երկխոսության մասին, այն դեռ կլանված է ԿԺԴՀ-ի մեկուսացման եւ ճնշման իր քաղաքականությամբ», - ասվում է հայտարարության մեջ:

Մինչդեռ ԱՄՆ-ն Հյուսիսային Կորեային հորդորել է զերծ մնալ հետագա սադրանքներից եւ փոխարենը երկխոսություն սկսել։

Հունվարի 12-ին ԱՄՆ ֆինանսների նախարարությունը սահմանափակող միջոցներ է կիրառել Մոսկվայում գրանցված «Փարսեկ» ընկերության եւ ԿԺԴՀ-ի հետ կապված յոթ անձանց նկատմամբ:

Այս քայլը ձեռնարկեց այն բանից հետո, երբ Փհենյանը երեքշաբթի նոր մշակված հիպերձայնային հրթիռ արձակեց: Սա արդեն երկրորդ նման փորձարկումն է մեկ շաբաթվա ընթացքում։

 

!
Այս նյութը հասանելի է նաև   English and Русский
Տպել