News
Լրահոս
News
Երկուշաբթի
Հունվար 24
USD
481.63
EUR
545.49
RUB
6.17
Տեսնել լրահոսը


Այսօր տեղի է ունեցել «Հայկական ազգային ավիաուղիներ» ընկերության` «Fly Arna» ապրանքանիշի առցանց շնորհանդեսը, որի հիմնական բանախոսները եղել են Հայաստանի պետական հետաքրքրությունների ֆոնդի (ԱՆԻՖ) գործադիր տնօրեն Դավիթ Փափազյանը և «Էյր Արաբիա» խմբի գործադիր տնօրեն Ադել Ալին։

Նշվել է, որ արաբական ավիաընկերության բյուջետային հաջող բիզնես մոդելի հիման վրա «Fly Arna»-ն հավակնում է լինել մատչելի և նախընտրելի ընտրություն ինչպես Հայաստանում, այնպես էլ նրա սահմաններից դուրս։

Արդեն այս տարվա ամռանը կլինեն առաջին թռիչքները․ սկզբում օդ կբարձրանան երկու օդանավեր, իսկ մինչև տարեվերջ նախատեսվում է օդային ճանապարհորդության դուրս բերել ևս երկու-երեքը։

Ըստ բանախոսների՝ «Ֆլայ Արնայի» ինքնաթիռի հայկական եռագույն երանգներն արտացոլում են  պարզություն և հեռանկարային ավիաընկերություն, որը միշտ շարժման մեջ է՝ «A» տառը  ցուցադրված է օդանավի պոչին։ Ապրանքանիշի ինքնությունը կարտացոլվի նաև օդանավի ինտերիերի, անձնակազմի համազգեստի և հաճախորդների բոլոր շփման կետերի միջոցով:

Էյր Արաբիա ընկերության գլխավոր գործադիր տնօրեն Ադել Ալ Ալին նշել է. «Fly Arna»-ն նշանավորում է Հայաստանի ավիացիայի զարգացման նոր դարաշրջանի սկիզբը, որը նպաստելու է ոչ միայն երկրի տնտեսական աճին, այլև կուտակելու է հուսալի և արժեքավոր փորձ: Մենք անհամբեր սպասում ենք դրա թողարկմանն առաջիկա շաբաթներին»։ 

Ավիաընկերության շահագործման վկայականի (AOC) գործընթացը սկսվել է․ մեկնարկի ամսաթվի, շարժակազմի, ինչպես նաև ուղղությունների մասին լրացուցիչ մանրամասներ կհայտարարվի առաջիկայում: 

ԱՆԻՖ-ը և Էյր Արաբիան հայտարարել էին Հայաստանի նոր ազգային ավիաընկերության գործարկման համաձայնագրի մասին 2021 թվականի հուլիսին, որին հաջորդեց ավիաընկերության անվանակոչումը 2021 թվականի սեպտեմբերին՝ մասնակիցների հարյուրավոր առաջարկներից հետո:

Ժամանակակից ազգային ավիափոխադրողի ֆիրմային անվանումն առաջացել է

«Հայկական ազգային ավիաուղիներ» (Armenian National Airlines) ընկերության պաշտոնական անվանումից, որտեղ «AR»՝ Armenian բառից է վերցված, «N»՝ National-ից և «A»՝ Airlines-ից։

Նշենք, որ «Fly Arna»-ն ստեղծվել է Մերձավոր Արևելքի ու Հյուսիսային Աֆրիկայի առաջին և ամենամեծ բյուջետային փոխադրողի՝ «Էյր Արաբիա» ավիաընկերության և Հայաստանի պետական հետաքրքրությունների ֆոնդի (ԱՆԻՖ) համագործակցության արդյունքում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
2021-ին ամենախոշոր հարկ վճարողը Զանգեզուրի կոմբինատն է, երկրորդը՝ «Գազպրոմ Արմենիան»
2021թ. հունվար-դեկտեմբեր ամիսների ընթացքում 1000 խոշոր հարկ վճարողների կողմից վճարված գումարները կազմել են ավելի քան 1 տրիլիոն 206 մլրդ դրամ...
2021 թվականին ՀՀ յուրաքանչուր քաղաքացու պարտքը կազմել է 3112,8 դոլար
Անցած տարվա ընթացքում պարտք վերցրած գումարի զգալի մասը ծախսվել է ասֆալտապատման, գյուղատնտեսական...
Քանի՞ մարդ է 2021 թվականին օդային ճանապարհով լքել Հայաստանը
Դեկտեմբերին ժամանած քաղաքացիների թիվը (հաշվի առնելով երկու օդանավակայանների տվյալները) կազմել է․․․
Փորձագետ. Հայաստանը կարող է ներքին ռեսուրսներով զսպել գնաճը
Դրան, նրա խոսքով, կարելի է հասնել սեփական երկրում էներգիայի արտադրության միջոցով․․․
«Ժողովուրդ». Վարորդների շրջանում նոր բունտ է հասունանում. սեղմված բնական գազի գինը կարող է բարձրանալ ապրիլից
Չի բացառվում, որ սրա հետեւանքով կթանկանա նաեւ ուղեւորափոխադրման սակագները: Այսօր գազալցակայաններում բնական սեղմված գազի մեկ լիտրը...
Դոլարի փոխարժեքն աճել է. եվրոն եւս թանկացել է
Թանկարժեք մետաղների համար բանկի կողմից սահմանվել են հետևյալ գները...