Ցանցում հայտնվել է թռչող «հիպերքարի» թեստերի տեսանյութը։ Ինչպես տեղեկացնում է աղբյուրը, Դուբայում կատարվել են Volar անվանմամբ տրանսպորտային միջոցի նախատիպի առաջին թեստավորումները։ Թռչող էլեկտրամեքենան բարձրացել է չորս մետր եւ կատարել առաջին թռիչքը 40 կմ/ժ արագությամբ, տեղեկացնում է Planet- today-ը։
Թեստավորումը կատարվել է նախատիպի վրա, որը մոտավորապես երկու անգամ փոքր է, քան իրական սարքը պետք է լինի։ Բայց անգամ փոքրացված պատճենի չափը թույլ է տալիս ենթադրել, որ ապագա էլեկտրամեքենան «պատկառելի» չափսեր է ունենալու։ Այն ստեղծողների խոսքով՝ պատրաստի աերոմոբիլը կարողանալու է ավելի քան 200 կմ/ժ արագություն բացել եւ հավաքել 100 մ բարձրություն։ Սարքը միայն էլեկտրական ագրեգատներ է ունենալու եւ աշխատելու է քաղաքային պայմաններում։
Ավտոմեքենայի կառուցվածքը ենթադրում է «անվտանգություն» ի հաշիվ հզոր օդափոխիչների ծածկման եւ թեւերի փոքր չափերի։ Նախատեսվում է թողարկել «ընտանեկան «թռչող սարք չորս մարդու համար։ Ներկա պահին նախատիպի համար նախատեսված է միայն երկու նստատեղ։
Ընկերությունը մտադիր է սկսել լայնամասշտաբ թռչող ավտոմեքենայի թեստերը արդեն հաջորդ տարի։ Դրանից արդեն հինգ տարի հետո խոստանում են, որ հայտ կգան առաջին օդային տաքսիները։ Հաջորդ տասնամյակի սկզբին Volar ը վաճառքի կհանվի բնակչության համար։ Էլեկտրաքարի գինը չի նշվում։
