News
Լրահոս
News
Երկուշաբթի
Մայիս 16
USD
454.99
EUR
474.78
RUB
7.21
Տեսնել լրահոսը

Մեծ Բրիտանիայի արտաքին գործերի նախարարությունը հաստատել է, որ Տեխաս նահանգի Քոլեյվիլ քաղաքում սինագոգում պատանդներ վերցրած տղամարդը Մեծ Բրիտանիայի քաղաքացի է: Այս մասին կիրակի գերատեսչությունում հայտնել են Reuters գործակալությանը, փոխանցում է ՏԱՍՍ-ը։

«Մեզ հայտնի է Տեխասում բրիտանացու մահվան մասին, եւ մենք կապի մեջ ենք տեղական իշխանությունների հետ»,- ասվում է ԱԳՆ հայտարարության մեջ։

Շաբաթ երեկոյան Քոլեյվիլի ոստիկանության ղեկավարը մամուլի ասուլիսին հայտնել էր, որ սինագոգում հարձակում գործած տղամարդը մահացել է, իսկ մարդիկ, ում նա պատանդ էր վերցրել, ՀԴԲ-ի իրականացրած օպերացիայի արդյունքում ազատ են արձակվել։ Մահացած միակ անձը հենց ինքը՝ հանցագործն է։

Բրիտանական Sky News-ն ավելի վաղ հայտնել էր, որ հեռուստաալիքի աղբյուրները հաստատել են, որ սինագոգում պատանդ վերցրած տղամարդը Մեծ Բրիտանիայի քաղաքացի է։ Դրա մասին անուղղակիորեն մատնանշում է այն փաստը, որ իրավախախտը խոսել է ընդգծված բրիտանական ակցենտով։ Նրա ձայնը լսվում էր սինագոգում պատարագի ֆեյսբուքյան ուղիղ հեռարձակման ժամանակ:

ABC հեռուստաընկերությունը շաբաթ օրը հայտնել էր, որ պատանդ է վերցվել չորս մարդ, այդ թվում՝ ռաբբի: Անանուն պաշտոնյան հեռուստաալիքին հայտնել է, որ զինված տղամարդը պնդել է, որ ահաբեկչության համար դատապարտված Աաֆիա Սիդիքիի եղբայրն է, եւ պահանջել է ազատ արձակել նրան։ Սիդիքին իր պատիժը կրում է Տեխասի ռազմաօդային ուժերի բազայում, նա դատապարտվել է 86 տարվա ազատազրկման 2010 թվականին ամերիկացի զինվորի սպանության փորձի համար եւ կասկածվում է «Ալ-Քաիդա» ահաբեկչական խմբավորման հետ կապ ունենալու մեջ։ Իր հերթին, Աաֆիա Սիդիքիի փաստաբան Մարվա Էլիբիալին CNN-ին ասել է, որ սինագոգում պատանդ վերցրած տղամարդն իր պաշտպանյալի եղբայրը չէ։ Տեխասի իրավապահները մամուլի ասուլիսի ժամանակ հրաժարվել են մանրամասներ հայտնել հարձակվողի ինքնության մասին:

 

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ