News
Լրահոս
News
Երկուշաբթի
Մայիս 23
USD
458.98
EUR
485.74
RUB
7.81
Տեսնել լրահոսը

Հունգա-տոնգա-հունգա-հաապայ հրաբխի ժայթքումը, որը գտնվում է Խաղաղ օվկիանոսի հարավում գտնվող Տոնգա թագավորությունում, տեղի է ունեցել շաբաթ օրը՝ հունվարի 15-ին: Հրաբուխը ժայթքել է 8 րոպեի ընթացքում, հայտնում է «Մոյա պլանետա» պորտալը։

ԱՄՆ-ի օվկիանոսային եւ մթնոլորտային ազգային վարչությունը (NOAA)՝ հղում անելով Տոնգայի իշխանություններին, հայտնում է, որ հրաբխի ժայթքումը 260 կիլոմետր շառավիղ է ունեցել։ Հրաբուխը 20 կիլոմետր բարձրության վրա մոխիր, գոլորշի եւ գազ է դուրս նետել։ NOAA-ի տվյալներով՝ ժայթքումը յոթ անգամ ավելի հզոր է եղել, քան նախորդ տարվա դեկտեմբերին տեղի ունեցած ժայթքումը։  

Ժայթքումը լսվել է անգամ Ֆիջիում, որը հրաբխից ավելի քան 800 կիլոմետր հեռավորության վրա է: Ժայթքման հետեւանքով առաջացած հարվածային ալիքները տարածվել են Հարավային Խաղաղ օվկիանոսով։

Հայտարարվել է ցունամիի վտանգի մասին ողջ Խաղաղ օվկիանոսի ափին, ներառյալ Կուրիլները։ Ճապոնիայի Սիկոկու կղզու Կոչի պրեֆեկտուրայում վնասվել է առնվազն 10 նավ, որոնցից երեքը խորտակվել են, մեկը դուրս է եկել ծով, իսկ մեկ ձկնորսական նավ շրջվել է։

!
Այս նյութը հասանելի է նաև   Русский
Տպել
Ֆոտոռեպորտաժներ