News
Լրահոս
News
Չորեքշաբթի
Մայիս 18
USD
454.86
EUR
478.29
RUB
7.18
Տեսնել լրահոսը

Երեքշաբթի օրը մեր մոլորակի կողքով կանցնի հսկա աստերոիդ, որն ավելի մեծ է, քան Երկրի վրա ցանկացած շենք:

7482 (1994 PC1) անվանումը ստացած աստերոիդն ունի ավելի քան մեկ կիլոմետր լայնություն եւ 1052 մ բարձրություն: Նրա չափերը նշանակում են, որ այն ավելի մեծ է, քան Դուբայի Բուրջ Խալիֆան, որն ունի 830 մ բարձրություն եւ աշխարհի ամենաբարձր շենքն է:

Բայց աստերոիդը վտանգ չի ներկայացնում Երկրի համար եւ մոտենալու պահին մոլորակից Լուսին տարածությունից հինգ անգամից ավելի հեռավորություն կանցնի։

Ռոբերտ Մաքնոթը (7482) 1994 PC1 աստերոիդը հայտնաբերել է Ավստրալիայի Սայդինգ Սփրինգ աստղադիտարանում՝ 1994 թվականի օգոստոսի 9-ին։

«Մերձերկրյա 1994 PC1 աստերոիդը (~1 կմ լայնությամբ) շատ լավ հայտնի է եւ տասնամյակներ շարունակ ուսումնասիրվել է #PlanetaryDefense-ի մեր փորձագետների կողմից: Վստահ եղեք, 1994 PC1-ը հաջորդ երեքշաբթի, հունվարի 18-ին, 1,2 միլիոն մղոն հեռավորությամբ բարեհաջող կանցնի մեր մոլորակի կողքով»,- հաղորդում է NASA Asteroid Watch-ը:

Գործակալության Մոլորակային պաշտպանության համակարգող գրասենյակը վերահսկում է երկինքը՝ Երկրի մոտ գտնվող օբյեկտները գտնելու եւ դրանց հետեւելու համար:

NASA-ն նաեւ ուղիներ է փնտրում պոտենցիալ վտանգավոր աստերոիդներին որսալու համար: Առաքելությունը կոչված է ապացուցելու, որ տիեզերանավը կարող է ինքնուրույն նավարկվել դեպի թիրախ աստերոիդ եւ դիտավորյալ բախվել դրա հետ՝ շեղելով նրան ուղուց:

!
Այս նյութը հասանելի է նաև   English and Русский
Տպել
Ամենաշատ