News
Լրահոս
News
Հինգշաբթի
Մայիս 19
USD
457.49
EUR
481.19
RUB
7.22
Տեսնել լրահոսը


Մեր խնդիրն այն չէ, որ 18-20 տարեկան զինծառայողը սահմանին է, այլ այն, որ զինծառայողը պետք է ունենա մարտունակության անհրաժեշտ մակարդակ, պետք է լինի կարգապահության անհրաժեշտ մակարդակ, իսկ առաջնագծում եղած ենթակառուցվածքները պետք է հնարավորություն ստեղծեն պաշտպանողական, հակահարձակողական ու հարձակողական մարտերի համար: Այս մասին այսօր՝ հունվարի 18-ին, ԱԺ-ում լրագրողների հետ զրույցում նշեց ԱԺ «Պատիվ ունեմ» խմբակցության պատգամավոր Տիգրան Աբրահամյանը:

«Երբ մենք խոսում ենք առաջնագծի կահավորվածության մասին, փորձում են դա կենցաղի վերածել, ցույց տալ, որ կացարան կա, ուտելիք կա:

Եթե մենք ունենայինք անվտանգության անհրաժեշտ մակարդակ, ապա օրինակ, Տեղ համայնքում չէին կարող ստեղծվել իրավիճակ, երբ հովիվը մտներ այնպիսի գոտի, որը սպառնալիք է առաջացնում, դա չֆիքսվեր ու չկանխվեր մեր զինծառայողների կողմից: Այս դեպքերը խոսում են այն իրական վիճակի մասին, որ կա մեր զինված ուժերում»,-ասաց նա:

Տիգրան Աբրահամյանը նշեց, որ Ադրբեջանն իր զինված ուժերի մոդեռնիզացիան, սպառազինության ներկրման փաստը օգտագործում է ՀՀ-ի վրա ճնշումներ գործադրելու և նոր զիջումներ ստանալու համար. «Այդ քաղաքականությունը բաց է, երկրի նախագահը նույնիսկ ուղիղ խոսում է դրա մասին։ Փաստացի, մեր խնդիրը ոչ միայն աին է, որ Ադրբեջանն ամեն կերպ փորձում է կանխել Հայաստանի Զինված ուժերի արդիականացումը, այլև նրանում, որ Հայաստանի իշխանություններն ականջալուր են լինում այդ հորդորներին և այս իրավիճակում մեր Զինված ուժերը շարունակում են գտնվել այնպիսի վիճակում, որը չի բավարարում Հայաստանի քաղաքացիներին»,- ասաց նա:

Ըստ ընդդիմադիր պատգամավորի՝ մարդիկ, որոնք մշակում և իրականացում են ՀՀ ԶՈւ-երում բարեփոխումները, մարտունակության  բարձրացմանն ուղղված միջոցառումներ, եթե լինեն նորմալ, նույնիսկ 2017 թվականի բյուջեով կարելի էր ստեղծել համակարգ, որը ՀՀ և ԱՀ համար կարող էր ապահովել նվազագույն խնդիրները:

«Այսինքն այստեղ միայն բյուջեի խնդիր չէ, այլ այն է, որ  երկիրը ղեկավարում են մարդիկ, որոնք նպատակային ձևով Զինված ուժերը տանում են կազմալուծման։ Ռազմաքաղաքական իշխանության բուրգի վերևում ներկայացված են անձինք, որոնք նույնիսկ ցանկության դեպքում ի վիճակի չեն Հայաստանը դուրս բերել այս վիճակից»,- ասաց Տիգրան Աբրահամյանը:

Տպել
Կարդացեք նաև
Ամբողջը
Արարատ Միրզոյանի հանդիպումները Եվրոպական խորհրդարանում
Արարատ Միրզոյանը նշել է, որ ընթացիկ տարին բավականին ակտիվ է եղել ՀՀ-ԵՄ...
Իտալիայի խորհրդարանի Իտալիա-Հայաստան բարեկամական խումբը ՀՀ ԱԺ-ում է. անդրադարձել են 44-օրյա պատերազմին
Մայիսի 18-ին բարեկամական խմբերի մակարդակով խորհրդարանում տեղի է…
Զինդատախազը մերժել է Փաշինյանին ձերբակալելու զոհված զինծառայողների ծնողների միջնորդությունը. Իրավիճակը լարվել է
Պարզվեց, որ զինվորական դատախազությունից մեզ սխալ ինֆորմացիա են տվել, զինվորական դատախազն իր որոշմամբ մերժել է ձերբակալելու միջնորդությունը...
Հանցագործ Նիկոլը գիտակցաբար, դիտավորյալ մեր երեխեքին տարել է անհավասար կռվի ու կոտորել. Դավիթ Առուշանյանի մայր
Գիտեն մեզ խաբե՞լ են ոչ: Այ կաբինետներում նստած բոլորին էլ ղարաբաղցու ասած՝ պրանած ունեմ...
Գործը ձգձգվում է, որ պետական դավաճանության հոդվածով Փաշինյանի նկատմամբ գործ չհարուցվի․ Կարին Տոնոյան
Մենք միջնորդություն ենք ներկայացրել քրեական օրենսգրքի 299-րդ հոդվածով՝ պետական դավաճանության հոդվածով գործ հարուցել Նիկոլ Փաշինյանի նկատմամբ...
Մենք պահանջում ենք, որ մեր գործը քննի ԱԱԾ-ն․ Կարին Տոնոյանը՝ դատախազին
Ես այսօրվա դատական նիստի վերաբերյալ դատարանից ծանուցագիր չեմ ստացել, ոչ բանավոր եմ ծանուցվել, ոչ բանավոր…