News
Լրահոս
News
Չորեքշաբթի
Մայիս 25
USD
452.7
EUR
484.71
RUB
8.02
Տեսնել լրահոսը


Ես ամբողջ հայաստանի համար ցավ եմ ապրում, որ տարիներ շարունակ Հայաստանում իշխանության մաս կազմած մի ուժ իրեն այսքան անազնիվ է պահում ժողովրդի հետ: Այս մասին, այսօր՝ հունվարի 19-ին, ԱԺ-ում հայտարարեց ՔՊ խմբակցության պատգամավոր Վահագն Ալեքսանյանը՝ անդրադառնալ;ով «Հայաստան» խմբակցության պատգամավոր, ՀՅԴ անդամ Գեղամ Մանուկյանի ելույթին:

Նա, մասնավորապես, նշեց. « Պարոն Մանուկյանը գալիս էստեղ ասում է՝ մենք Թուրքիայից ենք իմանում, որ Հայաստան-Թուրքիա չվերթներ են լինելու, էսինչ բանը Թուրքիայից ենք իմանում: Այսինքն ամեն անգամ ժամանակային փոքրիկ մի հատված, որ տարբերություն է լինում, ինչ-որ մի բան առաջինը հայտարարում է Թուրքիան, հետո հայտարարում է մեր ԱԳՆ-ն: Կարող է լինել հակառակը: Ասենք 15 րոպե, թող լինի մեկ ժամ տարբերությամբ, երբ հայտարարություններ են գնում, սա էս մարդկանց համար խնդիր է:

Բայց երբ նույն Գեղամ Մանուկյանի եւ ՀՅԴ-ի համար, օրինակ, խնդիր չի եղել, որ իրենք 2007 թվականին Ռոբերտ Քոչարյանի հանձարարությամբ կամ առնվազն գիտությամբ եղել են Հայաստան-Թուրքիա գաղտնի բանակցություններ, որոնք վարվել են շվեյցարական կողմի միջնորդությամբ: Միջնորդն էլ եղել է Շվեյցարիայի ԱԳՆ-ի պետքարտուղարը: Սա իրենց համար խնդիր չի եղել, էս մարդիկ դրա դեմ չեն պայքարել, նախարարական պորտֆելները չեն շպրտել սեղանին, :

Նույնկերպ խնդիր չի եղել տարիներ շարունակ Երեւան-Ստամբուլ, Ստամբուլ-Երեւան ավիատոմսեր վաճառելը, բայց խնդիր է, որ հիմա նորից այդ չվերթներն իրականանալու են: Երեսպաշտություն, երեսպաշտություն ու էլի երեսպաշտություն: Պոպուլիզմ, պոպուլիզմ եւ էլի պոպուլիզմ, դրանից անդին ոչինչ»,-ասաց նա:

Տպավորություն է, որ իշխանական պատգամավորները գիշերը երազում Ռոբերտ Քոչարյանին են տեսնում․ Գեղամ Մանուկյան

Տպել
Ամենաշատ