News
Լրահոս
News
Հինգշաբթի
Մարտ 28
Տեսնել լրահոսը


Մեր քաղաքացիներչը պետք է պատրաստ լինեն ինչ-որ մի փուլում հանրային տրանսպորտ մուտք գործելիս ցույց տալ իրենց հեռախոսի մեջ QR կոդը կամ թեստավորման բացասական արդյունքը: Այս մասին, այսօր՝ հունվարի 19-ին, ԱԺ-ում հայտարարեց «Հայաստան» խմբակցության պատգամավոր Արթուր Ղազինյանը:

«Դուք հետեւե՞լ եք, թե ինչ է կատարվում ԱՄՆ-ում, Արեւմտյան Եվրոպայի երկրներում, թե ինչպիսի մասշտաբ է վերցրել այս նոր շտամի տարածումը, որտեղ 80 եւ ավել տոկոս պատվաստվածներ են: կոռեկտ չէ մեղադրել այդ երկրներին, որ իրենց մոտ կեղծ թղթեր են ծախում»,-ասաց նա:

Ղազինյանն անդրադառնալով հանրային վայրեր միայն պատվաստաման սերտիֆիկատ կամ կորոնավիրուսի թեստի բացասական պատասխան ունենալու դեպքում մուտք գործելու նախարարի որոշմանը, ասաց. «Լինում են բավականին մեծաքանակ մարդկանց մասնակցությամբ միջոցառումներ՝ ծնունդներ, հարսանիքներ, կնունքներ, որտեղ տեխնիկապես ապահովել, որ QR կոդ չունեցող կամ չպատվաստված մուտքը թույլ չի տրվի, ես լավ չեմ պատկերացնում: Եկեք լավ օրինակ վ երցնենք, առաջիկայում «Փարավոն» ռեստորանում սպասվում է մեծ միջոցառում (նկատի ունի պաշտպանության նախարար Սուրեն Պապիկյանի հարսանիքը-խմբ): Այնտեղ կարելի է հետեւել մի քանի հարյուր մարդու մասնակցությամբ, որ բոլորը ներկայանան QR կոդով կամ բացասական թեստի արդյունքով: Կարո՞ղ եք դա անել: Խնդրում եմ, դա արեք, ինչ-որ ձեւով ցույց տվեք հանրությանը, որ այս նորմատիվ կարգավորումը բոլորի վրա է տարածվում, ոչ թե ասենք խեղճուկրակ մարդկանց»,-ասաց նա:

Ավելի վաղ NEWS.am-ը հայտնել էր, որ ըստ մամուլի` հունվարի 22-ին «Փարավոն» ռեստորանային համալիրում տեղի է ունենալու ՀՀ պաշտպանության նախարար Սուրեն Պապիկյանի հարսանիքը։

Սուրեն Պապիկյանի ընտրյալը դեռ տարածքային կառավարման նախարար եղած ժամանակ նրա մամուլի խոսնակն էր` Արմինե Մուրադյանը։ Նա այժմ աշխատում է Հայաստանի տարածքային զարգացման հիմնադրամում։

Տպել
Ամենաշատ