Մենք 2021 թվականը փակել ենք եկամուտների 1 տրլն 586 մլրդ դրամ ցուցանիշով, որը բավական բարձր է. շուրջ 146 մլրդ դրամով գերազանցում է բյուջեով նախապես պլանավորված ցուցանիշը: Այս մասին, յսօր՝ հունվարի 19-ին, ԱԺ-ում լրագրողների հետ ճեպազրույցում նշեց ՊԵԿ նախագահ Ռուստամ Բադասյանը:
«Եվ եկամուտների մասով ռեկորդ ունենք, եւ աշխատատեղերի մասով: Շուրջ 654 հազար աշխատատեղ է գրանցվել: Միջին աշխատավարձի մասով եւս ռեկորդ ունենք, որը 230 հազար դրամի սահմաններում է: Եթե համեմատական տանենք 2019-ի հետ, կարձանագրենք, որ բոլոր առումներով աճ ենք արձանագրել: Հաջորդ տարվա համար թիրախ է ընտրվածխ 1 տրլն 843 մլրդ դրամի շրջանակը, մենք աշխատում ենք, որ այդ եկամուտները հավաքագրվեն»,-ասաց նա:
Ռուստամ Բադասյանը նկատեց, որ եթե նախկին տարիներին ՊԵԿ-ից զանգահարում եւ տնտեսվարողներից գերավճար էին պահանջում, հիմա զանգահարում են գործարարներին եւ խխնդրում են դիմել ու ստանալ իրենց գումարները ՊԵԿ-ից:
