News
Լրահոս
News
Կիրակի
Մայիս 22
USD
458.98
EUR
485.74
RUB
7.81
Տեսնել լրահոսը

Հայաստանում իշխանափոխությունից հետո մեկ անձից գնումների քանակը զգալիորեն ավելացել է։ Այս մասին Ազգային ժողովի նիստում հունվարի 20-ին, «Գնումների մասին» եւ հարակից օրենքներում փոփոխություններ եւ լրացումներ մտցնելու մասին օրինագծերի փաթեթի երկրորդ եւ վերջնական ընթերցմամբ քննարկումների ժամանակ ասաց «Հայաստան» ընդդիմադիր խմբակցության պատգամավոր Թադեւոս Ավետիսյանը։

Խորհրդարանականի կարծիքով՝ նման միտումները չեն կարող չմտահոգել եւ չհանգեցնել դրանցից բխող համապատասխան հետեւությունների։

Հայաստանի կառավարությունը, մասնավորապես, առաջարկում է թեթեւացնել պետգնումների ընթացակարգը արտակարգ իրավիճակների հետեւանքների վերացման աշխատանքներն իրականացնելիս։ Հանրապետության ֆինանսների փոխնախարար Արմեն Հայրապետյանի խոսքով՝ գործող կանոնակարգումը, մասնավորապես, նախատեսում է, որ շինաշխատանքների միջոցները տրամադրվում են փորձաքննություն անցած նախագծանախահաշվային փաստաթղթերի հիման վրա։ «Ընթացակարգի կազմակերպման գործընթացում դրանք սահմանվում են որպես ձեռքբերման առարկայի տեխնիկական նշաններ։ Բայց արտակարգ իրավիճակերի առաջացման դեպքում, ժամկետների սահմանափակվածության համատեքստում, օպերատիվ մշակման ապահովումը գործնականում դառնում է անհնար։ Բացի այդ, դժվարանում է բոլոր անհրաժեշտ փաստաթղթերի հավաքումը։ Դրա համար առաջարկվում է իրականացնել շինաշխատանքների միջոցների տրամադրման գործընթացներ առանց նախագծանախահաշվային փաստաթղթերի։ Իհարկե, դա կվերաբերի միայն այն դեպքերին, որոնք կհամարեն արտակարգ կամ բացառիկ»,- պարզաբանեց Հայրապետյանը։

Ընդ որում՝ արդյոք դեպքն այդպիսին է, թե ոչ, համապատասխան որոշմամբ կորոշի կառավարությունը։ Արդյո՞ք այդ աշխատանքները կիրականացվեն «մեկ անձից գնման» ընթացակարգի միջոցով, այսինքն՝ առանց մրցույթի անցկացման, նույնպես կորոշի կառավարությունը։ Փոխնախարարը նշեց, որ կառավարության մոտեցումը այս հարցում «ընկերությունների բաց ցուցակների ստեղծումն է, որոնք կպարտավորվեն օպերատիվ կերպով ներկայացնել իրենց առաջարկությունները այս կամ այն աշխատանքի իրականացման համար»։ Ցուցակը կկազմվի այն չափանիշների հիման վրա, որոնք նույնպես կմշակի կառավարությունը։ «Այդ չափանիշների մեջ կլինի ոլորտում աշխատանքի փորձի պարտադիր առկայությունը, ինչպես նաեւ այն, որ ընկերությունն ունենա համապատասխան սարքավորումներ անհրաժեշտ ախատանքների կատարման համար»,- հավաստիացրեց պաշտոնյան։

Ընդդիմադիրն, իր հերթին, խնդրեց փոխնախարարին ներկայացնել վիճակագրական տվյալներ, բայց Արմեն Հայրապետյանը նշեց, որ չի կարելի հենվել միայն թվերի վրա։ «2019թ. համեմատ 2020թ., չնայած անգամ համավարակին եւ դրա հետ կապված խնդիրներին, գնումների թիվը մեկ անձից զգալիորեն կրճատվել է»,- առանց հիմնավորման հավաստիացրեց կառավարության ներկայացուցիչը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ղազախական «FlyArystan»-ը թռիչքներ կիրականացնի Ալմաթիից Երևան
Ուրախությամբ տեղեկացնում ենք Ալմաթի-Երևան նոր ուղղությամբ թռիչքի մասին…
Դոլարի փոխարժեքը նվազել է եւս 5 դրամով. Եվրոն էժանացել է 6 դրամով
ԱՄՆ դոլարի փոխարժեքն այսօր՝ մայիսի 13-ին, կազմել է…
Պատրաստ ենք Հայաստանում նոր ծրագրեր իրականացնել. Կոնրադ Ադենաուեր հիմնադրամի տարածաշրջանային ծրագրի նորանշանակ ղեկավար
Փոխվարչապետ Մաթևոսյանն ընդունել է Կոնրադ Ադենաուեր հիմնադրամի տարածաշրջանային ծրագրի նորանշանակ ղեկավարին…
Սեւանում ջրի սակավությունը մոտ 300 մլն խմ է. Գյուղատնտեսության նախկին փոխնախարար
«Նախ պետք է 100 տոկոսով լցնել ջրամբարները եւ նոր մտածել ՀԷԿ-ի շահագործման մասին...
Այս տարի տեղական արտադրության պարենի գները կշարունակեն բարձրանալ. փորձագետ
Տեղական արտադրության պարենամթերքի գները կշարունակեն բարձրանալ...
Բանկային քարտով գնումների դեպքում թոշակառուների քարտին որոշակի տոկոս հետ կգա. Փաշինյան
Կառավարությունը նախատեսում է սոցիալական նշանակության նոր համակարգ ներդնել...