News
Լրահոս
News
Կիրակի
Մայիս 29
USD
448.18
EUR
479.46
RUB
6.83
Տեսնել լրահոսը


Հայաստանի ԱԳՆ-ն շատ անկեղծ ներկայացնում է իրողությունը, որ Ադրբեջանի հետ սահմանազատման գործընթաց սկսելու համար նախապայմաններ չկան: Այս մասին NEWS.am-ի հետ զրույցում նշեց ԱԺ ՔՊ խմբկցության պատգամավոր Վիգեն Խաչատրյանը՝ հավելելով, որ խմբակցությունում այդ հարցը չեն քննարկել:

Հարցին, թե արդյոք նախապայման չպետք է լինի ադրբեջանցիների դուրս բերումը հայկական տարածքներից, նա պատասխանեց. «Մանրամասներին տեղյակ չեմ, բյց եթե անգամ նման բան կա, կարծում եմ՝ դրանք նախապայմաններ չեն: Դրանք օրինական դաշտում տեղավորվող պահանջներ են: Ամեն ինչ պետք է արվի գործող օրենքների ու Սահմանադրության, դրանց որեւէ շրջանցում բացառվում է»:

Անդրադառնալով սահմանից երկու կողմերի զինված ուժերի հայելային հետքաշմանը, Վիգեն Խաչատրյանն ասաց. «Շատ պարզ բացատրվեց, որ բացառվում է, որ մեր կոմունիկացիոն ուղիները, բնակավայրերը մնան անպաշտպան: Դա բավական մեծ աշխատանք է ենթադրում, թե ով պետք է ապահովի այդ հետքաշված վիճակում անվտանգությունը: Սկզբունքը ընդունելուց հետո բովանդակությունը սկսում է քննարկվել:

Մենք հո կիկոսաբանությամբ չենք զբաղվելու: Եթե կողմերը կգան համաձայնության, որ պետք է հայելային սկզբունքով, յսինքն սահմանից հավասարապես հեռվանալ՝ երաշխավորելու համար ուղիների, բնակավայրերի անվտանգությունը, բացառելու բախումները, արդեն բովանդակային մասը կքննարկվի: Այդ առաջարկը տրամաբանական է: Խոսքն այն մասին է, որ ռազմական ուժերը այն տարածությամբ հետ քաշել, որ կայծակնային բախումները բացառվեն: Շատ բան կարող է լինել, եթե դեմ դիմաց կանգնած են: Նաեւ դա նյարդային վիճակում է պահում բնակիչներին: Խոսքը Խորհրդային գործող սահմանից հայելային հետքաշման մասին է»:

ՔՊ-ական պատգամավորի խոսքով մենք երկու ելակետ ունենք. «Կամ այնպես անել, որ ոչ մի համաձայնություն չլինի, կամ գալ համաձայնությունների՝ սկզբունքային հարցերում զիջումներ չունենալով: Սա մեր դիրքորոշումն է»,-ասաց Խաչատրյանը: Նա նկատեց, որ Ադրբեջանը շահագրգռված է սադրանքներ կազմակերպել. «Նրանք տեսնում են, որ Հայաստանում կան ուժեր, որոնք քունները չի տանում, սպասում են, թե երբ պետք է մի նոր բան լինի, որ խոսեն իշխանության հեռացման մասին: Նրանք այդ բոլորը գիտեն եւ հանգիստ կրակին յուղ են լցնում: Մեզ մոտ էլ ուժեր կան, որ մտածում են՝ ոնց անենք, օր առաջ տապալենք իշխանությունը: Ադրբեջանը դա իմանալով անընդհատ սադրանքներ է անելու: Մեր խնդիրն է ապահովագրել մեր պետությունը, հասարակությունը նման սադրանքներից: Ժողովուրդը այդ ամենը տեսնում է, գնահատականն էլ ընտրություններով տալիս է»,-ընդգծեց իշխող խմբակցության պատգամավորը:

Դիտարկմանը, որ միշտ էլ Հայաստանում եղել է ընդդիմություն, Վիգեն Խաչատրյանն արձագանքեց. «Կա ընդդիմություն եւ կան ռեւանշիստներ: Մենք այսօր ԱԺ-ում ունենք ռեւանշիստներ, ընդդիմություն չունենք, թեեւ երբեմն ընդդիմադիր օգտակար գործունեությունը կատարում են: Եթե նկատել եք, ռեւանշիստներն ընտրություն չեն ուզում, ուզում են հեղաշրջում, ամեն գնով ազատվել իշխանությունից, ամեն գնով տապալել նախաձեռնությունները: Ես կարող եմ օրինակներ բերել: Մենք չենք կարող իրենց պարտադրել այլ պահվածք, դա իրենց իրավունքն է ու ընտրությունը: Մեր պարտականությունն է հյամապատասխան աշխատանք։ տանել՝ ապահովագրելու հասարակությունը ցնցումներից, պետությունը բախումներից եւ այլն»:

Տպել
Կարդացեք նաև
Ամբողջը
Հրազդանում տեղի է ունեցել 44-օրյա պատերազմի զոհերին նվիրված «Երդվյալները» գրքի շնորհանդեսը
«Երդվյալները» գիրքը հուշապատում եւ հերոսապատում է՝ հերոսների մանկությունից մինչեւ պատերազմական կյանք եւ անմահություն հավերժացնող դրվագներով․․․
Հիասթափված եմ միջազգային հանրության արձագանքից.Արցախի թեմի առաջնորդը Եկեղեցիների համաշխարհային խորհրդին պատվիրակությանը
Օրվա ավարտին ԵՀԽ պատվիրակությունը հանդիպել է նաև ԵՀԽ հայաստանյան Կլոր սեղան հիմնադրամի աշխատակիցների հետ, ծանոթացել ծրագրային ուղղություններին, անցած 25 տարվա գործունեության պատմությանը...
Լեռնային Ղարաբաղ բառ չկա, եւ բրյուսելյան վերջին հանդիպումը եւս մեկ անգամ ապացուցեց դա. Ալիեւ
«Միջազգային կառույցների լեքսիկոնում Լեռնային Ղարաբաղ բառ չկա...
Եթե մենք որոշում ենք ՀՀ-ի հետ սահմանները, ապա ի՞նչ «Լեռնային Ղարաբաղի» կարգավիճակի մասին կարող է խոսք լինել. Ալիեւ
«Կա Ղարաբաղի գոտի, Ղարաբաղի շրջան։ Դա Ադրբեջանի տարածքն է, եւ դա բոլորն են ընդունում...
Ադրբեջանի օմբուդսմենը պահանջում է «հիմնարար միջոցներ ձեռնարկել Հայաստանի նկատմամբ»
Դիմումի մեջ ասվում է, որ «Ադրբեջանի դեմ Հայաստանի ռազմական ագրեսիայի եւ օկուպացիայի տարիներին տեղադրված ականները դեռ պոտենցիալ վտանգ են ներկայացնում մարդկանց կյանքի եւ առողջության համար»...
Իլհամ Ալիեւը հերթական անգամ Հայաստանի նկատմամբ տարածքային պահանջներ է հնչեցրել
«Թող ոչ ոք մեզ դաս չտա, խորհուրդներ չտա, չսովորեցնի։ Դրա անհրաժեշտությունը չկա...
Ամենաշատ