Ինչպե՞ս են կապված ադրբեջանցիների կողմից հայերի գլխատումն ու թուրքական էքսպանսիան։ Այս մասին հունվարի 20-ին լրագրողների հետ զրույցում ասաց «Քաղաքացիական պայմանագիր» խմբակցության պատգամավոր Բաբկեն Թունյանը։
Նա վստահեցրեց, որ Հայաստանին չի սպասվում թուրքական էքսպանսիա, եւ նման ռիսկերի դեպքում միջոցներ կձեռնարկվեն։ «Սատանան այդքան սարսափելի չէ, որքան թվում է»,- ասաց Թունյանը։
Պատգամավորը հավելեց, որ Հայաստանը 30 տարի առեւտուր է իրականացրել Թուրքիայի հետ, որը իր հիմնական առեւտրային գործընկերների հնգյակում էր։ «Եթե այսպես նայեք, ապա մենք պետք է փակենք մեր շուկան բոլոր այն երկրների համար, որոնց տնտեսական հնարավորություններն ավելի մեծ են, քան մերը։ Կան պաշտպանական մեխանիզմներ, այդ թվում՝ ԵՏՄ շրջանակում։ Այնուամենայնիվ, մենք պետք է մտածենք սեփական մրցունակության մասին»,- հավելեց նա:
Նրա խոսքով՝ Հայաստանը կփորձի առաջ շարժվել տնտեսության ավանդական ոլորտներում եւ բարձր տեխնոլոգիաների ոլորտում, մասով կարող է անմրցունակ լինել, քանի որ երկիրը չի կարող մրցունակ լինել բոլոր ուղղություններով։ «Եթե Հայաստանում հասարակությունը դեմ է դրան, ապա պետք է հրաժարվի թուրքական ապրանք գնելուց եւ բոյկոտի։ Եթե այդ ամենը չկա, ապա հասարակությունը դեմ չէ»,- ընդգծեց Թունյանը։
Նա նկատեց, որ Հայաստանը մաքսային քաղաքականության մեջ անկախություն չունի, քանի որ ԵՏՄ անդամ է։ «Պետք է ոչ թե սահմանափակել ներմուծումը, այլ խթանել ներքին արտադրությունը։ Դրա համար ծրագրեր են իրականացվում արտոնյալ վարկերի տրամադրման, ցուցահանդեսների աջակցության համար եւ այլն։ Երբ թուրքական կապիտալը հայտնվի հորիզոնում, այն ժամանակ հնարավոր կլինի մտածել հավելյալ միջոցների մասին»,- եզրափակեց Թունյանը։
