News
Լրահոս
News
Հինգշաբթի
Մայիս 19
USD
457.49
EUR
481.19
RUB
7.22
Տեսնել լրահոսը

Դուբայում՝ Համաշխարհային Էքսպո 2020 ցուցահանդեսի շրջանակում, որտեղ 2022 թվականի հունվարի 20-ին անցկացվում էր ՓՀԱԿ-ի (փոքր հզորության ատոմային կայանների) ռուսական օրը, «Ռոսատոմ» պետական կորպորացիան և Հայկական ատոմային էլեկտրակայանի ղեկավարությունը ստորագրեցին Հայաստանի Հանրապետության տարածքում ռուսական դիզայնով նոր ատոմային էներգաբլոկների կառուցման հնարավոր համագործակցության ուսումնասիրման համար փոխըմբռնման հուշագիր։

ՀԱԷԿ-ից NEWS.am-ին հայտնում են, որ պայմանագիրը ստորագրել են «Ռուսատոմ օվերսիզ» ԲԸ-ի  («Ռոսատոմ» պետկորպորացիայի մաս է կազմում) նախագահ Եվգենի Պաքերմանովը և «Հայկական Ատոմային էլեկտրակայան» ՓԲԸ (Հայկական ԱԷԿ) գլխավոր տնօրեն Էդուարդ Մարտիրոսյանը։ Կողմերը Հայկական ԱԷԿ-ի հարթակում ռուսական նախագծով նոր ատոմային էներգաբլոկների կառուցման հնարավորությունը ուսումնասիրելու ուղղությամբ համագործակցության պատրաստակամություն են հայտնել։

«Ռուսական ժամանակակից միջուկային տեխնոլոգիաների օգտագործումը աշխարհի շատ երկրներում կայուն էներգիայի մատակարարման անբաժանելի մասն է։ Համոզված եմ, որ նոր ատոմային էներգաբլոկների կառուցման ուղղությամբ հետագա համագործակցությունը կարևոր գործոն կլինի ոչ միայն տնտեսության զարգացման և Հայաստանի Հանրապետության բարօրության աճի, այլև մեր երկու երկրների միջեւ ամուր բարիդրացիական հարաբերությունների հետագա զարգացման համար», - ասել է «Ռուսատոմ օվերսիզ» ԲԸ նախագահ Եվգենի Պաքերմանովը։

«Հայաստանն ուշադիր հետևում է ապակարբոնացման և ժամանակակից տեխնոլոգիաների զարգացման ոլորտում համաշխարհային միտումներին։ Հայաստանում միակը՝ Հայկական ԱԷԿ-ը արտադրում է երկրի ողջ էլեկտրաէներգիայի շուրջ 40%-ը և 1977 թվականից հանդիսանում է էներգիայի մաքուր և հուսալի աղբյուր։ Կայանի շահագործման ժամկետը լրանալուց հետո մենք ցանկանում ենք շարունակել երկրի էներգետիկ հաշվեկշռում ունենալ ատոմային էներգիա, ուստի առաջին հերթին դիտարկում ենք ռուսական ժամանակակից միջուկային տեխնոլոգիաները, որոնք առաջադեմ են աշխարհում», - ասաց «ՀԱԷԿ» ՓԲԸ գլխավոր տնօրեն Էդուարդ Մարտիրոսյանը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ուկրաինայում բիոնախագծերին մասնակցող ՀՀ կառույցների առկայությունը մանրազնին վերլուծության կարիք ունի. ՌԴ դեսպանություն
ԱՄՆ-ն ու նրա դաշնակիցները չեն բացատրում, թե ինչ են անում Հայաստանում՝ ռուսական սահմանների անմիջական հարեւանությամբ․․․
ՀՀ ԶՈւ և ՌԴ զորքերի միացյալ խմբավորման կազմում ընդգրկված N զորամասում ամփոփվել են աշխատանքների արդյունքները
Քննարկվել են առաջադրված խնդիրների կատարման ընթացքում ի հայտ եկած...
Ունեցանք շատ բովանդակալից խոսակցություն, շատ կարևոր է, որ դա ուղղված է ապագային, ՀԱՊԿ զարգացմանը․ Փաշինյանը՝ Պուտինին
Վարչապետ Նիկոլ Փաշինյանը Կրեմլում առանձնազրույց է ունեցել Ռուսաստանի Դաշնության ․․․
Նիկոլ Փաշինյանն աշխատանքային այցով ժամանել է Մոսկվա
Նիկոլ Փաշինյանը Մոսկվայում՝ Կրեմլում, կմասնակցի ՀԱՊԿ անդամ պետությունների առաջնորդների հանդիպմանը…
Նիկոլ Փաշինյանը մայիսի 16-ին աշխատանքային այցով կմեկնի Ռուսաստանի Դաշնություն
Նիկոլ Փաշինյանը Մոսկվայում կմասնակցի ՀԱՊԿ հավաքական…
Փոխվարչապետ Մհեր Գրիգորյանն ընդունել է Ռուսաստանի Դաշնության հաշվիչ պալատի նախագահ Ալեքսեյ Կուդրինին
Զրուցակիցները քննարկել և մտքեր են փոխանակել…