«Ալմատինսկայա տրագեդիա» թելեգրամ ալիքը հայտարարել է Ալմաթիում ենթադրյալ ցուցարարների գաղտնի գերեզմանների հայտնաբերման մասին։
Նշվում է, որ այդ մասին տեղեկությունը հաստատել են պաշտոնական մարմինները։
«Այո, ես հաստատում եմ տեղեկությունը։ Գաղտնի թաղումներ են արվել, որպեսզի դժվարացնեն անկարգությունների մասնակիցների նույնականացումը»,- ասել է Ալմաթի քաղաքի ոստիկանության ներկայացուցիչ Սալթանաթ Ազիրբեքը։
«Հիշեցնենք, որ Ալմաթի քաղաքի ոստիկանության վարչության պետ Քանատ Թայմերդենովի խոսքով՝ հայտնի է դարձել, որ անկարգությունների ժամանակ դիահերձարանի վրա մոտ յոթ հարձակում է տեղի ունեցել, եւ անհայտ անձինք գողացել են մահացածների 41 մարմիններ»,- նշում է ալիքը։
