News
Լրահոս
News
Ուրբաթ
Մարտ 29
Տեսնել լրահոսը

Թուրքիայի արտաքին գործերի նախարար Մեւլութ Չավուշօղլուն զանգահարել է իսրայելցի պաշտոնակցին՝ Յաիր Լապիդին։ Սա երկու երկրների բարձրաստիճան դիվանագետների առաջին հեռախոսազրույցն է 13 տարվա ընթացքում, գրում է Jpost-ը։

Իսրայելը հայտարարել է, որ Չավուշօղլուն զանգահարել է, որպեսզի Լապիդին ամենայն բարիք ցանկանա COVID-19-ի դրական թեստից հետո։ Թուրքիայի արտաքին գործերի նախարարությունը չի տեղեկացրել զրույցի մասին։

Լապիդը, սակայն, արդեն ապաքինվել է COVID-19-ից եւ դուրս եկել մեկուսացումից։

Զանգը կատարվել է Իսրայելի հանդեպ Թուրքիայի նախագահ Ռեջեփ Թայիփ Էրդողանի բարյացակամ վերաբերմունքի արտահայտումից մի քանի օր հետո։

Էրդողանը երեքշաբթի օրվա մամուլի ասուլիսում հիշատակել էր, որ կարող է հանդիպել նախագահ Իսահակ Հերցոգի հետ, եւ ասել, որ վարչապետ Նաֆթալի Բենեթը «հաղորդագրություններ է ուղարկում տարբեր մակարդակներով»։ Էրդողանը նաեւ հայտարարել է, որ պատրաստ է աշխատել Իսրայելի հետ Թուրքիայով դեպի Եվրոպա գազատարի ուղղությամբ այն բանից հետո, երբ ԱՄՆ-ը Հունաստանին, Իսրայելին եւ Կիպրոսին հայտարարեց, որ չի ողջունում EastMed գազատարի կառուցման նրանց համատեղ պլանը։

Աղբյուրը Երուսաղեմում հաստատել է, որ բանակցություններ են վարվում Թուրքիա Հերցոգի այցի մասին։ Աղբյուրն ընդգծել է, որ Երուսաղեմ-Անկարա հարաբերությունների բարելավումը տեղի կունենա ոչ ի հաշիվ Հունաստանի եւ Կիպրոսի հետ Իսրայելի դաշինքի, որոնք Թուրքիայի պատմական հակառակորդներն են։

!
Այս նյութը հասանելի է նաև   English and Русский
Տպել
Ամենաշատ