News
Լրահոս
News
Ուրբաթ
Մարտ 29
Տեսնել լրահոսը

Պապուա-Նոր Գվինեայի խորհրդարանը չեղարկել է մահապատժի մասին օրենքը, տեղեկացնում է ՏԱՍՍ-ը՝ հղում կատարելով Post-Courier թերթին։

Նրա տվյալներով՝ այժմ ծանր հանցագործությունների համար կնախատեսվի ցմահ բանտարկություն մահապատժի փոխարեն։ Մասնավորապես, դիտավորյալ սպանության, ծանրացուցիչ հանգամանքներով ուղեկցվող բռնաբարության, բռնության կիրառմամբ թալանի, պետական դավաճանության եւ ծովահենության համար։

Նշվում է, որ դատապարտյալները, որոնք մինչ այժմ դատապարտվել էին մահապատժի, չեղարկումից հետո 30 տարի պայմանական-ժամանակից շուտ ազատման իրավունք չեն ունենա։

Ինչպես տեղեկացնում է թերթը, երկրի իշխանությունները մահապատիժը հանել են այն ի կատար ածելու վարչական մեխանիզմների եւ  ենթակառուցվածքի բացակայության պատճառով։ Վերջին անգամ մահապատիժ երկրում կիրառվել է 1954թ.։

!
Այս նյութը հասանելի է նաև   English and Русский
Տպել
Ամենաշատ