News
Լրահոս
News
Երկուշաբթի
Մայիս 23
USD
455.73
EUR
486.58
RUB
7.89
Տեսնել լրահոսը

Մինչ միջազգային իրավապաշտպան և լրագրողական կազմակերպություններն ամենաբարձր մակարդակով մտահոգություններ են հայտնում Հայաստանում խոսքի ու մամուլի ազատության իրավիճակի խիստ վատթարացման կապակցությամբ, ՀՀ իշխանություններն ամենացածր մակարդակով շարունակում են լրատվամիջոցների և լրագրողների թիրախավորումը։ Այս մասին հայտարարություն է տարածել Հայաստանի ժուռնալիստների միությունը:

Հայտարարությունում նաեւ ասվում է. «Իշխանության առանձին ներկայացուցիչներ (հաճախ՝ նաև նախկին լրագրողներ) իրենց անպարկեշտ խոսքով, լրագրողներին պիտակավորելու ցածրարժեք ու գռեհիկ ելույթներով, անցնելով բարեկրթության բոլոր սահմանները, կարծես բացահայտում են իշխանությունների, անձամբ Նիկոլ Փաշինյանի իրական վերաբերմունքը մամուլի և ընդհանրապես ազատ խոսքի նկատմամբ։

Տևական ժամանակ է՝ իշխանություններն ամենատարբեր հարթակներից ու ամենատարբեր ձևաչափերով տոտալ հարձակում են սկսել Զանգվածային լրատվամիջոցների դեմ, և իշխող կուսակցության առանձին ներկայացուցիչների ելույթները սոսկ դրա արտահայտությունն են։

Ազատ խոսքն ու մամուլը, բոլոր թերություններով հանդերձ, մնացել են այն եզակի ինստիտուտները, որոնք փորձում են հակակշռել ու զսպել օրեցօր դեպի բռնապետություն գնացող իշխանությանը։

Իշխանությունների այս հակաժողովրդական և հակաժողովրդավարական գործելաոճին երբեմն նպաստում են նաև լրագրողական համայնքում առկա միասնականության և մասնագիտական համերաշխության՝ օբյեկտիվ և սուբյեկտիվ պատճառներով պայմանավորված ցածր մակարդակը, որոշ դեպքերում՝ նաև էթիկայի կանոնները խախտելու որոշ դրսևորումները։

Հայաստանի ժուռնալիստների միությունը խոստորեն դատապարտում է իշխող խմբակցության ներկայացուցիչների կողմից մամուլի դեմ ուղղված հակաէսթետիկ հայտարարությունները՝ իշխանություններից պահանջելով կարգի հրավիրել թիմակից խոսափողներին և կանխել քաղաքակրթության դեգրադացիան երկրում:

Լրատվամիջոցներին ու լրագրողներին կոչ ենք անում չտրվել սադրանքներին, սադրիչ հայտարարություններին և գործողություններին, և նույնիսկ ամենածանր իրավիճակներում հավատարիմ մնալ մասնագիտական բարձր առաքելությանը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Արցախի լրատվական դաշտի բանակն իր դերակատարություն է ունեցել Արցախյան երեք պատերազմներում. Արթուր Թովմասյան
Արցախի ԱԺ նախագահ Արթուր Թովմասյանը շնորհավորական ուղերձ է հղել լրագրողի մասնագիտական օրվա կապակցությամբ...
Կարեն Անդրեասյանը կրկին աչքի ընկավ՝ հայտարարելով լրագրողների շրջանում «դիվերսանտների» մասին
Անցած անգամ նա լրագրողներին ահաբեկիչների հետ էր համեմատել...
Լրատվամիջոցների իրական սեփականատերերի ինստիտուտը պետք է կայանա. Քաղաքացին պետք է իմանա՝ որ աղբյուրից է սնվում. Փաշինյան
Երեւանիում ընթացող «Ժողովրդավարության հայկական ֆորում»-ի ժամանակ իր...
Լրագրողներին թույլ չտվեցին մտնել «Մարիոթ» հյուրանոց, որտեղ խոսքի ազատությանը վերաբերող կոնֆերանս է ընթանում
Նիկոլ Փաշինյանի հրաժարականը պահանջող և Հայաստանի ու Արցախի…
Araratnews-ի լրագրողը Ագնեսա Խամոյանի՝ իրեն առաջարկված ջուրը լցրել է վերջինիս վրա
Այսօր ինձ հետ հարցազրույցի ժամանակ, հավանաբար հասկանալով, որ առաջադրանքը չի ստացվում, ակնհայտորեն հուզվեց, վատ…
Լրագրողների ազատության եւ անվտանգության ինստիտուտը դատապարտում է Ադրբեջանին լրագրողներին հետապնդելու համար
Լրագրողների ազատության եւ անվտանգության ինստիտուտը դատապարտել է Ադրբեջանին լրագրողներին հետապնդելու համար...
Ամենաշատ
Ֆոտոռեպորտաժներ