Rolls-Royce ընկերությունը ներկայացրել է Cullinan Frozen Lakes քրոսովերների հատուկ շարքը՝ ոգեշնչվելով Սիբիրի, Կարելիայի, Կարպատների եւ Շվեյցարական Ալպերի սառած լճերով, գրում է Մոտոր-ը:

Ամենագնացների ընդհանուր թիվը, որոնց հավաքմամբ կզբաղվի Bespoke-ը, չի գերազանցի 14 նմուշը: Բոլոր մեքենաները իրականացված են «ձմեռային» գունային գամմայում եւ զարդարված դեկորատիվ ներդիրներով, որոնք սառույցի վրա ճաքեր են հիշեցնում: Նաեւ ընտրության համար կներկայացվի սրահի 2 տեսակի ձեւավորում. ձյունաճերմակ Arctic White-ը կամ կապույտ Navy Blue-ն, որն ունի Turchese վառ փիրուզագույն շեշտադրումներ:

Հատուկ Rolls-Royce Cullinan Frozen Lakes-ի համար Bespoke-ի դիզայներների կողմից ստեղծվել են թափքի նոր երկու ներկեր՝ երկնագույն նրբերանգով Blue Crystal over Arctic White-ն ու փայլուն մուգ կապույտ Crystal over Midnight Sapphire-ը:

Սրահը հասանելի է երկու երանգով՝ Arctic White եւ Navy Blue:

«Սառած» Cullinan-ի Starlight Headliner-ի տանիքը կատարված է Craked Ice («Ճաքած սառույց») ոճում: Դրա նախապատրաստումը զբաղեցնում է 18 ժամ, մինչդեռ մեկ դեկորատիվ պանելի մշակումը պահանջում է շուրջ 2 շաբաթ:

Քանի որ տեխնիկական միջուկի մասին ոչինչ չի ասվում, ապա Frozen Lakes շարքում կարող են հայտնվել ինչպես V12 6.75 եւ 600 ձիաուժ ունեցող շարժչով ամենագնացները, այնպես էլ սովորական Cullinan-ը՝ 571 ձիաուժ շարժչով: Մեքենայի բոլոր նմուշները նախատեսված են Եվրոպայից հաճախորդների համար: