News
Լրահոս
News
Չորեքշաբթի
Մայիս 18
USD
457.49
EUR
481.19
RUB
7.22
Տեսնել լրահոսը

Կորեայի Հանրապետության նախագահ Մուն Չժե Ինը հրաժարվել է ամենամյա մամուլի ասուլիս հրավիրելուց, որպեսզի կենտրոնանա երկրում կորոնավիրուսային վարակի տարածման դեմ պայքարի վրա։ Այս մասին երկուշաբթի լրագրողներին տեղեկացրել է Հարավային Կորեայի ղեկավարի աշխատակազմի ներկայացուցիչ Փակ Սու Հյոնը, հաղորդում է ՏԱՍՍ-ը։

«Այն իրավիճակում, երբ օմիկրոնը դարձել է ամենատարածված շտամը, դժվար կլինի ամանորյա մամուլի ասուլիս անցկացնել, քանի որ անհրաժեշտ է կենտրոնանալ վարակի դեմ պայքարի ուղղությամբ»,- ընդգծել է պաշտոնյան։ Նա նաեւ նշել է, որ չարժե խոսել այդ միջոցառման չեղարկման մասին, քանի որ աշխատակազմը պաշտոնապես չէր հայտարարել դրա անցկացման մասին։ Այնուամենայնիվ, մամուլի ասուլիսի (որը նախատեսվում էր իրականացնել փետրվարի սկզբին) նախապատրաստական աշխատանքն արդեն վարվում էր։

Երկուշաբթի ավելի վաղ կառավարությունը տեղեկացրել էր, որ անցած շաբաթ երկրում կորոնավիրուսով վարակման բոլոր դեպքերի 50,3 տոկոսը կապված է եղել օմիկրոն շտամի հետ։ Այս առնչությամբ առողջապահության մարմիններն անցնում են արձագանքման նոր համակարգի, որպեսզի ավելի արագ հաղթահարեն համավարակը։

COVID-19-ի թեստավորման կենտրոններում ներդրվում են հակագենների էքսպրես-թեստեր, իսկ պոլիմերազային շղթայական ռեակցիայի (ՊՇՌ) թեստերը կկիրառվեն միայն բարձր ռիսկի խմբերում։ Միաժամանակ, ինքնամեկուսացման շրջանը տասից կրճատվում է յոթ օրվա։

Անցած շաբաթ Հարավային Կորեայում վարակվածների միջին օրական թիվը ավելացել է գրեթե կրկնակի։ Շաբաթվա սկզբին այն կազմում էր մոտ չորս հազար, իսկ հունվարի 20-ին գերազանցեց 6 հազար մարդը։ Հունվարի 23-ին երկրում գրանցվել է վարակման 7 513 նոր դեպք։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իրակլի Ղարիբաշվիլիի եւ Յենս Սթոլթենբերգի հանդիպումը չեղարկվել է. ՆԱՏՕ-ի ղեկավարի մոտ կորոնավիրուսը հաստատվել է
Հավանական պատճառը Յենս Սթոլթենբերգի առողջական վիճակն է, թեեւ պաշտոնական մեկնաբանություններ այս հարցի վերաբերյալ չեն արվել․․․
Առցանց վեբինար. Ժաննա Անդրեասյանի մասնակցությամբ քննարկվել է դպրոցների անվտանգության ապահովման հարցը
Հավելենք, որ Դպրոցների համապարփակ անվտանգության (CSS) շրջանակը ներդրվել է 2012 թ. և թարմացվել 2016 թ.՝ հիմք ստեղծելով Անվտանգ դպրոցների…
Հարավային Կորեան փորձել է Հյուսիսային Կորեային օգնություն առաջարկել քովիդի դեմ պայքարում
Փհենյանի իշխանությունները չեն արձագանքել Հարավային Կորեայի նախաձեռնությանը...
Հայաստանում կատարվել է կորոնավիրուսի դեմ 2 միլիոն 188 հազար 62 պատվաստում
Բուստեր՝ երրորդ դեղաչափ ստացել է 51 հազար 361 մարդ...
ՄԱԿ-ը պատրաստ է օգնել ԿԺԴՀ-ին կորոնավիրուսի բռնկման դեմ պայքարում
Մենք մտահոգությամբ հետեւում ենք կորոնավիրուսի բռնկմանը ԿԺԴՀ-ում:
Կիմ Չեն Ընն առաջին անգամ հանրությանը ներկայացել է դիմակով
Հյուսիսային Կորեայի առաջնորդը հանրությանն է ներկայացել բժշկական դիմակով...
Ամենաշատ
Ֆոտոռեպորտաժներ