MacRumors պարբերականի լրագրողները նշել են Apple-ի դիզայնի տեսակետից ամենաանհաջող գաջեթները։ Ցուցակը ներկայացվում է պարբերականի կայքում։
Հեղինակներն ընտրել են այն սարքերը եւ հայտնագործությունները, որոնք վիճելի դիզայն ունեն եւ քննադատվել են օգտատերերի կողմից։ Ցուցակում տեղ է գտել Apple TV-ի վահանակը, որը լրագրողները նշել են ոչ մեծ չափերի պատճառով, ինչի հետեւանքով սարքը մշտապես կորում էր։ Սարքը նաեւ սիմետրիկ է, ուստի այն օգտագործելիս դժվարություններ են առաջանում։ AirPods Max ականջակալների պատյանը քննադատել են բարդ կառուցվածքի եւ այն կորպուսի պատճառով, որն արագ փոշի էր հավաքում եւ շուտ քերծվում։
Ցուցակում է հայտնվել «թիթեռնիկ» տիպի ստեղնաշարը, որն օգտագործվում էր 2015-2019թթ. նոութբուքերում։ «Դրա մեխանիզմը այնքան նուրբ ու փխրուն էր, որ ամենափոքր ավազահատիկը կարող էր շարքից դուրս բերել այն»,- նշում է պարբերականը։ 2013փ. Mac Pro համակարգիչը քննադատվել է ցիլինդրաձեւ լինելու պատճառով, ինչի հետեւանքով դեւայսը շատ դժվար էր հավաքել։ 2017թ. Apple-ի ներկայացուցիչները ընդունել են իրենց սխալը։
Համակարգչային մկնիկը եւ առաջին սերնդի Apple Pencil ստիլուսը քննադատվել են սարքի լիցքավորման առանձնահատկության պատճառով։ Կուտակիչը լիցքավորելու համար պետք էր մկնիկը շրջել եւ թողնել սեղանին այդ վիճակում, իսկ ստիլուսը՝ միացնել iPad-ին։ Հեղինակները նշել են, որ դժվար է հաշվարկել այն սարքերի թիվը, որոնք խափանվել են այն պատճառով, որ լիցքավորման ժամանակ պատահաբար կպել են ստիլուսին կամ պլանշետին։
«Ժամանակ առ ժամանակ անգամ Apple-ն է սխալվում, եւ ընկերության հետեւողականությունը՝ հիմնավորել, թե ինչպես պետք է ստեղծվի ապրանքը, կարող է հանգեցնել օգտատիրոջ զայրույթին»,- ամփոփել են լրագրողները։