News
Լրահոս
News
Կիրակի
Մայիս 29
USD
448.18
EUR
479.46
RUB
6.83
Տեսնել լրահոսը

Եվրամիությունը պատրաստ է «նախկինում չտեսնված» տնտեսական պատժամիջոցներ մտցնել Ռուսաստանի դեմ՝ «Ուկրաինայի վրա հարձակման» դեպքում, հայտնել է Դանիան, իսկ ԵՄ արտգործնախարարները հայտարարել են, որ համատեղ նախազգուշացում կուղարկեն Մոսկվա, հայտնում է Reuters-ը։

«Իմանալով Ռուսաստանի մարտավարությունը՝ ես վստահ եմ, որ նրանց նպատակներից մեկն Արեւմուտքը պառակտելն է»,- ասել է Լիտվայի արտգործնախարար Գաբրիելյուս Լանդսբերգիսը։ «Սա հաղթանակ է, որը մենք չենք կարող մեզ թույլ տալ հանձնել ռուսներին».

Դանիայի արտաքին գործերի նախարար Յեպպե Կոֆոդը լրագրողներին ասել է, թե «որեւէ կասկած չկա, որ մենք պատրաստ ենք արձագանքել համապարփակ, մինչ այժմ չտեսնված պատժամիջոցներով, եթե Ռուսաստանը կրկին ներխուժի Ուկրաինա»: Նա հրաժարվել է նշել, թե որ ոլորտները կհայտնվեն պատժամիջոցների թիրախում:

«Ռուսաստանը պետք է իմանա, Պուտինը պետք է իմանա, որ Եվրոպայում սահմանները փոխելու համար սադրանքների եւ ռազմական ուժի կիրառման գինը շատ-շատ բարձր է լինելու...»,- ասել է նա։

Գերմանիայի կանցլեր Օլաֆ Շոլցը Եվրոպային եւ ԱՄՆ-ին կոչ է արել լավ մտածել պատժամիջոցները քննարկելիս։ Հարցին, թե արդյոք Ռուսաստանին պետք է կտրել SWIFT գլոբալ համակարգից, Գերմանիայի արտաքին գործերի նախարար Աննալենա Բերբոքն ասել է, որ «ամենածանր փայտը» միշտ չէ, որ կարող է լավագույն միջոցը լինել նման իրավիճակում:

Ավստրիայի արտաքին գործերի նախարար Ալեքսանդր Շալենբերգն ասել է, որ ամեն ինչ որոշված է, բայց նաեւ մատնանշել է Ավստրիայի կախվածությունը Ռուսաստանից՝ նրա գազի 40%-մատակարարումների առումով։

Պատասխանելով «Հյուսիսային հոսք 2» գազատարի դեմ հնարավոր պատժամիջոցների մասին հարցին, նա ասել է, որ պատժամիջոցների կիրառումը մի բանի հանդեպ, ինչը դեռ չի աշխատում, իրական սպառնալիք չէ։

Սպասվում է, որ ԱՄՆ պետքարտուղար Էնթոնի Բլինքենը կմիանա ԵՄ առցանց հանդիպմանը։

«Մենք այստեղ ենք, որպեսզի հնարավոր ամեն ինչ անենք, որ պատերազմ չսկսվի»,- ասել է Լյուքսեմբուրգի արտգործնախարար Ժան Ասելբորնը:

Առայժմ ԵՄ-ն չի պատրաստվում Ուկրաինայից հետ կանչել դիվանագետների ընտանիքներին, ասել է ԵՄ արտաքին քաղաքականության պատասխանատու Ժոզեպ Բորելն այն բանից հետո, երբ Վաշինգտոննը հայտարարել է նման քայլի մասին։

Ուկրաինայում Մեծ Բրիտանիայի դեսպանատունը հայտարարել է, որ աշխատակիցների մի մասին դուրս են բերում Կիեւից։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ավստրիայի ԱԳՆ-ն կողմ է արտահայտվել Ուկրաինայի «աստիճանական ինտեգրմանը» ԵՄ-ին
Նրա խոսքով՝ Ուկրաինայի դեպքում ԵՄ-ն «անդամակցություն չի խոստանում»:
ԵՄ թեկնածուի կարգավիճակ պետք է տրվի ոչ միայն Ուկրաինային. Մոլդովայի վարչապետ
«Մենք խորապես հավատում ենք, որ անդամակցությունը Եվրամիությանն այն է, ինչը խաղաղություն, կայունություն և արժեքների վրա հիմնված բարգավաճում է տարածում, եւ մենք ցանկանում ենք ազատ աշխարհի եւ ԵՄ այս ընտանիքի մաս լինել...
Վրաստանին ադեկվատ արձագանք է պետք ԵՄ-ի կողմից իր եվրոպական նկրտումներին. Ղարիբաշվիլի
«Մենք դարեր շարունակ փորձել ենք քաղաքակիրթ աշխարհի մաս դառնալ։ Այժմ մենք պետք է արդարացնենք մեր ժողովրդի ակնկալիքները, քանի որ մեր տեսանկյունից մենք շատ հավատարիմ ենք եվրոպական արժեքներին եւ սկզբունքներին...
Թագուհի Թովմասյանը ԵՄ դեսպաններին ներկայացրել է ոստիկանների կողմից գործադրվող անհամաչափ ուժը
Հանդիպման ընթացքում բարձրաձայնեցի խաղաղ բողոքի ակցիաների իրականացման այս...
Եվրահանձնաժողովի ղեկավարը հերթական անգամ մեղադրել է Ռուսաստանին պարենային ճգնաժամի մեջ
Նա կոչ է արել միջազգային հանրությանը համախմբվել՝ Մոսկվայի «շանտաժին» հակազդելու համար․․․
Եվրամիությունը համաձայնեցրել է Ուկրաինայից ներմուծման մաքսատուրքերի ժամանակավոր չեղարկումը
Նշվում է, որ խոսքը ԵՄ շուկա ուկրաինական ապրանքների առանց մաքսատուրքերի եւ քվոտաների մուտքի մասին է․․․
Ամենաշատ