Ինձ տեղեկացրել են «Հետք»-ի այդ հրապարակման մասին, չեմ հասցրել ծանոթանալ, բայց եթե ծանոթանամ էլ, մեկնաբանելու ցանկություն չունեմ: Այս մասին այսօր՝ հունվարի 24-ին, մամուլի ասուլիսում նշեց ՀՀ վարչապետ Նիկոլ Փաշինյանը՝ անդրադառնալով Hetq.am-ի հրապարակմանը, որտեղ կայքը Կոռուպցիայի եւ կազմակերպված հանցավորության լուսաբանման նախագծին հղում անելով, գրում է, որ պարզել են, որ Արմեն Սարգսյանը նախագահի պաշտոնը ստանձնելու ժամանակ եղել է Կարիբյան ծովում գտնվող Սենթ Քիդս եւ Նեւիսի քաղաքացի. «Նախագահի ստերի բուրգը քանդվեց, դրա համար էլ հեռացավ» վերնագրով նյութում նշվում է, որ դժվար էլ Արմեն Սարգսյանը վերադառնա, որովհետեւ հնարավոր ՝ քրգործ հարուցվի նրա նկտմամբ:
«Իմ քննարկելու մանրամասները չեն դրանք: Եթե կա որեւէ փաստ, որին որեւէ պետական մարմին պետք է արձագանքի, ապա այդ մարմինները պետք է զբաղվեն»,-ասաց Փաշինյանը:
Հիշեցնենք, որ 2018-ի իրադարձությունների ժամանակ, ապրիլի վերջին Նիկոլ Փաշինյանը հայտարարել էր, որ հանդիպել է ՀՀ նախագահ Արմեն Սարգսյանի հետ, քննարկել են Հայաստանում ստեղծված վիճակը և լուծման հնարավոր ուղիները:
«Պարոն Սարգսյանը իր հետ բերել էր նաև փաստաթղթեր այն մասին, որ ինքը Մեծ Բրիտանիայի քաղաքացիությունը կորցրել է 2011 թվականի դեկտեմբերին»,- գրել էր նա Facebook-ի իր էջում:
Նիկոլ Փաշինյանը հանդիպել է ՀՀ նախագահ Արմեն Սարգսյանի հետ
Ավելի վաղ՝ Արմեն Սարգսյանի՝ ՀՀ նախագահ ընտրվելու օրը պատգամավոր Նիկոլ Փաշինյանը կասկածի տակ էր դրել Սարգսյանի քաղաքացիության հարցը։
«Царь не настоящий». Մենք ունենք նախագահի թեկնածու, որը հրաժարվել է ՀՀ քաղաքացիությունից. Փաշինյան
