News
Լրահոս
News
Երեքշաբթի
Մարտ 19
Տեսնել լրահոսը

Հունաստանի իշխանությունները հունվարի 25-ը հանգստյան օր են հայտարարել ուժեղ ձյան պատճառով, որը կաթվածահար է արել երկիրը։ Այս մասին երկուշաբթի երեկոյան հայտարարել է կլիմայական ճգնաժամի եւ քաղաքացիական պաշտպանության նախարար Խրիստոս Ստիլիանիդիսը եղանակի վերաբերյալ ճեպազրույցի ժամանակ, տեղեկացնում է ՏԱՍՍ-ը։

«Երեքշաբթի հայտարարվել է ոչ աշխատանքային Ատտիկա [մայրաքաղաքային շրջանում], Էվբեոս կղզում, Բեոտիայի շրջանում, Կիկլադա, Սպորադա, Դոդեկանես կղզիներում, ինչպես նաեւ Կրետեում, քանի որ այդ շրջանները հայտարարվել են բարձր վտանգի գոտիներ ծայրահեղ եղանակային պայմանների եւ համապատասխան արտակարգ միջոցներ մտցնելու պատճառով»,- ասել է նախարարը։ Նրա խոսքով՝  չեն աշխատի բոլոր պետական հաստատությունների ծառայողները, տեղական ինքնակառավարման, անվտանգության ծառայության մարմիններից, զինված ուժերից, առողջապահական հաստատություններից, հանրային տրանսպորտից բացի։ Այդ շրջաններում փակ կլինեն նաեւ բոլոր մակարդակների ուսումնական հաստատությունները, մանկապարտեզները, մանկական կենտրոնները, անգամ հեռավար պարապմունքներ չեն լինի։

Դադարեցվում է մասնավոր ձեռնարկությունների աշխատանքը։ Կաշխատեն միայն մթերային խանութները, դեղատները եւ առողջապահության մյուս կառույցները, բենզալցակայանները, ինչպես նաեւ այն կազմակերպությունները, որոնք կնպաստեն վատ եղանակի հետեւանքների հաղթահարմանը, տեղեկացրել է նախարարը։

Երկուշաբթի Հունաստանում «Էլփիս» ուժեղ ցիկլոնն առաջ է բերել առատ ձյուն, ջերմաստիճանի կտրուկ նվազում։ Ծառերի բների եւ ճյուղերի՝ հաղորդալարերի վրա ընկնելու եւ վերջինների կտրվելու պատճառով առանց էլեկտրականության եւ ինտերնետի են մնացել Աթենքի տասնյակ շրջաններն ու մերձակա բնակավայրերը, հիմնականում մարզի հյուսիսում։

Վթարների վերացման համար ուղարկվել են տասնյակ էլեկտրատեխնիկներ, բայց առայժմ շատ տներ մնում են առանց էլեկտրաէներգիայի, ինտերնետի, ինչպես նաեւ անհատական ջեռուցման։

«Ատտիկի օդոս» արագընթաց վճարովի ավտոմայրուղում, որն անցնում է մայրաքաղաքի հյուսիսով եւ տանում դեպի Աթենքի միջազգային օդանավակայան, ձյան գերության մեջ են մնացել հարյուրավոր մեքենաներ։ Իշխանությունները աշխատանքներին ներգրավել են նաեւ հրշեջներին եւ բանակը, որպեսզի տարհանեն վարորդներին, որոնք արդեն մի քանի ժամ գտնվում են իրենց ավտոմեքենաներում՝ առանց ուտելիքի եւ ջերմության։ Ստիլիանիդիսի խոսքով՝ վարորդներին կտարհանեն վեց կետեր, որոնցից ավտոբուսներով կտանեն նախապատրաստված հյուրանոցներ, որտեղ անհրաժեշտության դեպքում նրանց բժշկական օգնություն կցուցաբերվի։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանին է մոտենում է հաջորդ ցիկլոնը. տեղումները կվերսկսվեն ձյան ու անձրեւի տեսքով
Հարավից հզոր ցիկլոնի ներթափանցմամբ պայմանավորված հանրապետության...
Լարսի ճանապարհը բաց է բոլոր մեքենաների համար
Վարորդներին խորհուրդ է տրվում երթևեկել բացառապես ձմեռային անվադողերով...
Ձյուն, բուք և մառախուղ․ Իրավիճակը Հայաստանի ավտոճանապարհներին
Ջերմուկի խաչմերուկից «Զանգեր» տանող ճանապարհահատվածը փակ է կցորդիչով բեռնատարների համար...
Հարավից հզոր ցիկլոն է գալիս. սպասվում են ձյան առատ տեղումներ, առանձին հատվածներում նաև բուք
Հարավից հզոր ցիկլոնի ներթափանցմամբ պայմանավորված՝ մարտի 19-ին և 19-ի…
Սպասվող առատ տեղումներից չբողոքեք, մեզ ջուր է պետք․ Գագիկ Սուրենյան
Նշենք, որ ըստ կենտրոնի՝ հանրապետության տարածքում մարտի 18-ին առանձին շրջաններում, 19-22-ին շրջանների...
Աշոցքի, Ամասիայի, Ապարանի տարածաշրջաններում և Ջերմուկ քաղաքում ձյուն է տեղում
Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ...
Ամենաշատ