News
Լրահոս
News
Երկուշաբթի
Մայիս 16
USD
454.99
EUR
474.78
RUB
7.21
Տեսնել լրահոսը

Օրենքով գող Կախա Շուշանաշվիլին՝ նույն ինքը Կախա Ռուսթավին, ով ցմահ բանտարկություն է կրում Ֆրանսիայում, հայց է ներկայացրել Վրաստանի նախագահ Սալոմե Զուրաբիշվիլիի դեմ՝ պահանջելով վերադարձնել Վրաստանի քաղաքացիությունը, հայտնում է «Sputnik-Գրուզիա»-ն՝ վկայակոչելով «Ռուսթավի 2» հեռուստաալիքը:

Քաղաքացիությունը դադարեցնելու մասին նախագահի հրամանագիրը հիմնված էր Արդարադատության նախարարության եզրակացության վրա, որ Շուշանաշվիլին Ռուսաստանի քաղաքացիություն է ստացել 2015 թվականին: Փաստաբանը, սակայն, պնդում է, որ այդ փաստաթուղթն իսկական չէ, քանի որ Շուշանաշվիլին այդ ժամանակ արդեն իր պատիժն էր կրում Մարսելի բանտում։

«Նա հայց է ներկայացրել դատարան։ Մենք դատարանի միջոցով պահանջում ենք չեղարկել նախագահի ստորագրած հրամանագիրը»,- հեռուստաալիքի եթերում ասել է հանցագործի դուստրը՝ Թաթիա Շուշանաշվիլին։

Թբիլիսիի քաղաքային դատարանն արդեն վարույթ է ընդունել Շուշանաշվիլիի հայցը։ Ամբաստանյալ, բացի նախագահից, Արդարադատության դեպարտամենտի ծառայությունների զարգացման գործակալությունն է։

Թաթիա Շուշանաշվիլիի խոսքով՝ իր հայրը 12 տարի է՝ գտնվում է Մարսելի բանտում։ Ֆրանսիական դատարանը նրան մեղավոր է ճանաչել 2010 թվականին քրեական շրջանակներում «Լադո» մականունով հայտնի օրենքով գող Վլադիմիր Ջանաշիայի պատվիրված սպանության մեջ:

«Կախա Ռուստավսկին», ինչպես ասում է նրա դուստրը, իր պատիժը կրում է մեկուսարանում, նրա առողջական վիճակը վատանում է, ուստի նա ցանկանում է արտահանձնվել հայրենիք, իսկ դրա համար վրացական անձնագիր է անհրաժեշտ:

«Ռուսթավի 2»-ի փոխանցմամբ՝ բացի Շուշանաշվիլիից, նախագահի դեմ դատական ​​հայց են ներկայացրել նաեւ այլ օրենքով գողեր։ Խոսքը հիմնականում այն ​​օրենքով գողերի մասին է, ովքեր 2013-18 թվականներին Վրաստանի դատարանների կողմից արդարացվել էին, սակայն արդարացման դատավճիռը հրապարակելուց հետո, այնուամենայնիվ, ստիպված էին լքել երկիրը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հնդկաստանում սիրամարգի որսագողերը երեք ոստիկանի են սպանել
Սիրամարգը Հնդկաստանի ազգային թռչունն է ու պահպանվող տեսակ, եւ նրա որսը պատժվում է մինչեւ յոթ տարվա ազատազրկմամբ․․․
Մալավիում երեք տղամարդ 155 տարվա ազատազրկման է դատապարտվել ալբինոսի սպանության համար
Մարդասպաններից մեկը սպանվածի հորեղբայրն էր...
Իտալիայում տասնյակ թմրավաճառներ են ձերբակալվել
Նշվում է, որ ոստիկանությունն Ամստերդամում ժամանակակից արվեստի պատկերասրահ է գտել, որի միջոցով թմրանյութերի վաճառքից ստացված փողերի լվացում է իրականացվել...
Մարտաֆիլմ հիշեցնող կրակոցներ՝ Երևանում. հրազենային վնասվածքներով հիվանդանոց է տեղափոխվել 2 քաղաքացի
Կայքի տեղեկություններով՝ վիրավորներն են՝ 36-ամյա Արթուր Ասատրյանն ու 28-ամյա Լևոն Ասլանյանը...
Մոսկվայի արեւելքում ծեծկռտուքի հետեւանքով մեկ հայ է սպանվել, եւս երկուսը վիրավորվել են
Ինչպես հայտնի է դարձել MK-ին, դեպքը տեղի է ունեցել կիրակի գիշերը՝ Ռուսակովսկայա փողոցում․․․
Եվրոպան վերածվում է կոկաինի արտադրության եւ տարածման կենտրոնի
Եվրոպական շուկան աճում է Հարավային Ամերիկայում արտադրության ծավալների մեծացման, ինչպես նաեւ հենց Եվրոպայում դեղամիջոցային հումքի վերամշակման հնարավորությունների ընդլայնման հաշվին: Զեկույցում ասվում է, որ այն կարող է աճել նոր տեսակների ի հայտ գալով:
Ֆոտոռեպորտաժներ