News
Լրահոս
News
Երեքշաբթի
Մարտ 19
Տեսնել լրահոսը

Իսրայելի բանակի նախկին գնդապետ Դանի Տիրզան մշակում է մարմնի վրա ամրացվող տեսախցիկներ՝ դեմքի ճանաչման տեխնոլոգիայով, հայտնում է AFP-ն։

Տիրզան ասում է, որ իր Yozmot Ltd ընկերությունը ցանկանում է արտադրել մարմնի վրա ամրացվող տեսախցիկ, որը թույլ կտա ոստիկաններին սքանավորել ամբոխին եւ իրական ժամանակում գտնել կասկածյալներին, նույնիսկ երբ նրանց դեմքերը փակ են:

Իրավապահ մարմիններում դեմքի ճանաչման տեխնոլոգիան արժանացել է համաշխարհային քննադատության, քանի որ ամերիկյան տեխնոլոգիական հսկաները հրաժարվել են ոստիկանությանը տեխնոլոգիան տրամադրելուց՝ հղում անելով գաղտնիության ռիսկերին:

Սակայն կողմնակիցները, այդ թվում՝ Տիրզան, գովազդում են հանցագործներին կամ անհետ կորածներին հայտնաբերելու այդ տեխնոլոգիայի կարողությունը: «Ոստիկանը կիմանա, թե ում է ինքը հանդիպել»,- ասել է նա։

Նրա խոսքով՝ ինքը հույս ունի Թել Ավիվում գտնվող Corsight AI-ի ստեղծած տեխնոլոգիան օգտագործել մարմնի վրա ամրացվող ոստիկանական տեսախցիկ մշակելու համար, որը կարող է ակնթարթորեն նույնականացնել մարդկանց ամբոխի մեջ, նույնիսկ եթե նրանք կրում են դիմակներ, դիմահարդարված են կամ կամուֆլյաժով, եւ կարող է դրանք համեմատել տասնամյա վաղեմության լուսանկարների հետ։

Տիրզան հայտնել է, որ Yozmot-ի եւ Corsight-ի միջեւ գործընկերության որեւէ համաձայնագիր չի ստորագրվել։

Corsight-ի գլխավոր տնօրեն Ռոբ Ուոթսը հայտնել է, որ տեխնոլոգիան թույլ է տալիս հաճախորդներին տվյալների բազաներ ստեղծել՝ լինեն նրանք շենքում գտնվող ընկերության աշխատակիցներ, տոմսով մարզադաշտ մտածներ, թե ոստիկանության կողմից հետախուզվող կասկածյալներ: Նա ասել է, որ ավստրալական եւ բրիտանական ոստիկանությունն արդեն փորձարկել է տեխնոլոգիան:

Ըստ Mordor Intelligence հետազոտական ընկերության տվյալների՝ դեմքի ճանաչման արդյունաբերությունը 2020 թվականին արժեցել է մոտ 3,7 միլիարդ դոլար, եւ կանխատեսվում է, որ մինչեւ 2026 թվականը կհասնի 11,6 միլիարդ դոլարի:

Facebook-ը, Microsoft-ը, Amazon-ը եւ IBM-ը հայտարարել են իրավապահ մարմիններին դեմքի ճանաչման ծրագրերի վաճառքի ժամանակավոր կամ մշտական արգելքի մասին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
105 տրիլիոն նիշով հաշվարկված Պի թիվը գերազանցում է համաշխարհային ռեկորդը
Քանի որ ապագայում համակարգիչները դառնում են ավելի հզոր, մենք անխուսափելիորեն կսկսենք բացահայտել ...
Ստեղծվել է աշխարհում ամենամեծ պրոցեսորը
Պրոցեսորն առաջարկվում է օգտագործել մեքենայական ուսուցման ալգորիթմերի աշխատանքի համար...
Amazon-ը և Microsoft-ը դադարեցնում են իրենց ամպային արտադրանքները Ռուսաստանում
Այս կապակցությամբ Softline-ը զգուշացնում է Microsoft-ի, Amazon-ի և Google-ի ամպային արտադրանքների և ծառայությունների շահագործման հնարավոր ֆունկցիոնալ սահմանափակումների մասին...
Չինական ավտոարտադրողը սկսել է սմարթֆոններ նվիրել իր հաճախորդներին
Nio Phone-ն ունի 6,81 դյույմանոց OLED էկրան՝ 1440 x 3088 պիքսել թույլատրությամբ, 120 Հց հարմարվողական...
ԱՄՆ Կոնգրեսը կրկին փորձում է արգելել չինական TikTok սոցիալական ցանցը
2020 թվականին այն ժամանակվա նախագահ Դոնալդ Թրամփը փորձեց դա անել, բայց անհաջող էր...
Վարչապետն ընդունել է «ՄՏՍ-Արմենիա»-ի ղեկավարությանը
Վարչապետ Նիկոլ Փաշինյանն ընդունել է «ՄՏՍ-Արմենիա» ընկերության բաժնետեր…
Ամենաշատ