ՆԱՏՕ-ն անվտանգության վերաբերյալ Ռուսաստանի պահանջներին գրավոր պատասխան է ուղարկել Մոսկվա, Բրյուսելում հայտարարել է ՆԱՏՕ-ի գլխավոր քարտուղար Յենս Սթոլթենբերգը։ «Մենք եւս մեկ անգամ իրավիճակը անհապաղ դեէսկալացնելու կոչ ենք անում Ռուսաստանին։ ՆԱՏՕ-ն համոզված է, որ լարվածությունն ու տարաձայնությունները պետք է լուծվեն երկխոսության եւ դիվանագիտության միջոցով»,- հայտարարել է Սթոլթենբերգը լրագրողներին, փոխանցում է Reuters-ը։
Նա կրկնել է Մոսկվային եւ ՆԱՏՕ-ին ուղղված իր կոչը՝ վերականգնել իրենց համապատասխան գրասենյակները Բրյուսելում ու Մոսկվայում եւ ամբողջությամբ օգտագործել հաղորդակցական ռազմական ուղիները՝ թափանցիկությունը ապահովելու եւ ռիսկերը նվազեցնելու համար։