News
Լրահոս
News
Շաբաթ
Մայիս 21
USD
458.98
EUR
485.74
RUB
7.81
Տեսնել լրահոսը

ԱՄՆ նախագահ Ջո Բայդենը նախազգուշացրել է Ռուսաստանի նախագահ Վլադիմիր Պուտինի համար «լուրջ» եւ «հսկայական» հետեւանքների մասին, այդ թվում՝ նրա դեմ անձնական պատժամիջոցների, եթե Ռուսաստանի առաջնորդը հրամայի ներխուժել Ուկրաինա, հայտնում է «Ամերիկայի ձայնը»։

«Ես հենց սկզբից հասկացրել եմ նախագահ Պուտինին, որ եթե նա գնա Ուկրաինա, դա  լուրջ հետեւանքների կհանգեցնի, այդ թվում՝ զգալի տնտեսական պատժամիջոցների։ Բացի այդ, ես ստիպված կլինեմ ուժեղացնել մեր ներկայությունը, ՆԱՏՕ-ի ներկայությունն արեիելյան ճակատում՝ Լեհաստանում, Ռումինիայում եւ այլն»,- ասել է Բայդենը։

«Եթե նա գնա այնտեղ այդ բոլոր ուժերով, դա կլինի ամենամեծ ներխուժումը Երկրորդ համաշխարհային պատերազմից ի վեր,- հավելել է նա:-Դա կփոխի աշխարհը»:

Նա նաեւ ընդգծել է, որ այս շաբաթ բարձր պատրաստականության վիճակում գտնվող 8500 ամերիկացի զինվորականներից ոչ մեկը չի տեղափոխվի Ուկրաինա եւկտեղակայվի ՆԱՏՕ-ի օպերացիայի շրջանակներում, այլ ոչ թե՝ ԱՄՆ-ի առանձին օպերացիայի:

Նա չի հստակեցրել, թե երբ կարող է որոշել ուղարկել այդ զորքերը։

«ԱՄՆ-ն «սրբազան պարտք» ունի՝ օգնելու ՆԱՏՕ-ի դաշնակիցներին, ովքեր սպառնալիքների են բախվում, ասել է Բայդենը։ Ուկրաինան ՆԱՏՕ-ի անդամ չէ, բայց ցանկանում է դառնալ: «Ես խոսել եմ ՆԱՏՕ-ի մեր գրեթե բոլոր դաշնակիցների հետ, եւ մենք նույն կերպ ենք պատկերացնում իրավիճակը,- ասել է ԱՄՆ նախագահը:- Մենք պետք է հստակ հասկացնենք, որ ՆԱՏՕ-ի ոչ մի անդամ անհանգստանալու պատճառ չունի այն մասով՝ արդյո՞ք մենք կգանք նրանց պաշտպանելու»:

Բայդենը, ով լրագրողների հետ զրուցել է Վաշինգտոնում տեղակայված փոքր ընկերության շենքում, որը վաճառում է տեղական արտադրության ապրանքներ է վաճառում, ասել է, որ ինքը որեւէ ազդանշան չի տեսնում առ այն, թե ինչ է անելու Ռուսաստանի առաջնորդը մոտ ապագայում:

«Դա թեյի տերեւների վրա գուշակություն է հիշեցնում»,- ասել է Բայդենը:

Ավելի վաղ՝ երկուշաբթի, ԱՄՆ-ն նախազգուշացրել էր Ռուսաստանին, որ եթե այն ներխուժի Ուկրաինա, ապա ավելի ծանր տնտեսական հետեւանքների կբախվի, քան 2014 թվականին ուկրաինական Ղրիմի բռնակցումից հետո։

Անվտանգության ուժերի ներկայացուցիչը, անանուն մնալու պայմանով, ասել է, որ ԱՄՆ-ն «պատրաստ է նաեւ արտահանման վերահսկման նոր միջոցներ ներմուծել», որոնք բացասաբար կանդրադառնան Ռուսաստանի տնտեսության վրա։

«Մենք դրանք օգտագործում ենք Ռուսաստանից ապրանքների արտահանումն արգելելու համար»,- ասել է ներկայացուցիչը:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Զելենսկին ԵՄ պատվիրակությանը հանձնել է ԵՄ-ին Ուկրաինայի անդամակցության հարցաթերթիկը
«Մենք հավատում ենք, որ աջակցություն կստանանք եւ անդամակցության թեկնածու կդառնանք։ Դրանից հետո կսկսվի հաջորդ՝ եզրափակիչ փուլը»,- նշել է Ուկրաինայի նախագահը...
Եվրոպայի հետ հարաբերությունները վերագնահատելու ժամանակը կգա, երբ նա «սթափվի». Պեսկով
Երբ եվրոպացիները մի փոքր սթափվեն ամերիկյան բուրբոնից եւ երբ, այնուամենայնիվ, մտածեն, որ մենք ինքներս պետք է հոգ տանենք մեր մայրցամաքի՝ Եվրոպայի, նույնիսկ Եվրասիայի ճակատագրերի համար, այն ժամանակ․․․
Զելենսկին պատմել է, թե ինչի է պատրաստ համաձայնել Ռուսաստանի հետ խաղաղության համաձայնագրի հասնելու համար
«Մենք մեր տարածքի առեւտուր չենք անում,- պատասխանել է Զելենսկին։- Տարածքային ամբողջականության եւ ինքնիշխանության հարց չի քննարկվում»...
Բորել․ Ռուսաստանի դեմ սահմանված ԵՄ պատժամիջոցները թանկ կարժենան Եվրոպային
Նրա խոսքով ՝ Ռուսաստանի ներխուժումն Ուկրաինա ցույց է տալիս, որ Եվրամիության էքզիստենցիալ խնդիրն է նվազեցնել իր կախումը ռուսական նավթից․․․
Թուրքիայի համար խաղադրույքները բարձր են․ կարգելափակի՞ արդյոք Անկարան ռուսական նավերի անցումը իր ջրերով
Թուրքիան փոխել է իր հռետորաբանությունը՝ կիրակի օրը Մոսկվայի հարձակումը Ուկրաինայի վրա «պատերազմ» անվանելով․․․
Զելենսկի. եկել է վճռական պահը, երբ պետք է փակենք ԵՄ-ին Ուկրաինայի անդամակցության հարցը
Նա հավելել է, որ «եկել է Ուկրաինայի եվրաինտեգրման հստակ կուրսը որոշելու պահը»․․․
Ֆոտոռեպորտաժներ