News
Լրահոս
News
Երկուշաբթի
Մայիս 16
USD
454.99
EUR
474.78
RUB
7.21
Տեսնել լրահոսը

Թել Ավիվի Աշխատանքային դատարանը հինգշաբթի առավոտյան կարգադրել է արգելել ուսուցիչների՝ նոր կանոնների դեմ գործադուլը, որոնք դպրոցականներին ազատում են կարանտինից, հայտնում է ՏԱՍՍ-ը՝ վկայակոչելով The Times of Israel-ը։

Պարբերականի համաձայն՝ արտակարգ դատարանի որոշումը կայացվել է այն բանից հետո, երբ կառավարությունը դիմում է ներկայացրել հունվարի 27-ից ծրագրված գործադուլի մասին, որը կազմակերպել էր Իսրայելի ուսուցիչների արհմիության ղեկավար Յաֆա Բեն Դավիդը՝ հինգշաբթի օրվանից կրթության համակարգում աշակերտների համար կարանտինի վերացման դեմ։ Պարբերականը նշում է, որ հինգշաբթի Իսրայելում դպրոցները կաշխատեն նոր սխեմայով, բացառությամբ Երուսաղեմի եւ երկրի հյուսիսում գտնվող մի քանի շրջանների, որտեղ դասերը չեղարկվել են ձյան տեղումների պատճառով։

Հունվարի 27-ից Իսրայելում բոլոր դպրոցականները «պետք է հակագենի շաբաթական երկու տնային թեստ հանձնեն՝ կիրակի եւ չորեքշաբթի օրերին, նախքան ուսումնական հաստատություն մտնելը», որից հետո արդյունքը «պետք է ներկայացվի կրթության նախարարության կայքում», հինգշաբթի առավոտյան նշել է առողջապահության նախարարությունը: «Թեստի բացասական արդյունքով աշակերտը սովորականի պես գնում է դպրոց: Դրական արդյունքով աշակերտն ուսումնական հաստատություն չի գնում, այլ անտիգենի լաբորատոր հետազոտություն է անցնում: Եթե ​​թեստի արդյունքը բացասական է, նա վերադառնում է ուսման, դրական արդյունքի դեպքում հինգօրյա կարանտին է անցնում, որից դուրս գալ հնարավոր է չորրորդ եւ հինգերորդ օրերին երկու տնային թեստերի բացասական արդյունքի դեպքում, պարզաբանել է Իսրայելի առողջապահության նախարարության մամուլի ծառայությունը։

Մեկ շաբաթ առաջ Իսրայելի վարչապետ Նաֆտալի Բենեթը հայտարարել էր նոր կարանտինային սխեմայի մասին։ Առողջապահության նախարարության մամուլի ծառայությունն այնուհետ տեղեկացրել էր, որ «նոր սխեման կկիրառվի մանկապարտեզային եւ դպրոցական բոլոր տարիքի երեխաների համար»։ Տանը հանձնած թեստի դրական արդյունքի դեպքում աշակերտը «պետք է թեստ հանձնի վերահսկվող հսկիչ կայանում», հավելել էին գերատեսչությունում:
Առողջապահության նախարարության մամուլի ծառայությունում նշել են, որ այն աշակերտները, ովքեր հունվարի 27-ից շփվել են վարակվածների հետ, ստիպված չեն լինի ինքնամեկուսացվել։ Ընդ որում, ախտանիշներ դրսեւորող ուսանողները «ստիպված կլինեն տանը մնալ», հավելե են առողջապահության նախարարությունում:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հարավային Կորեան փորձել է Հյուսիսային Կորեային օգնություն առաջարկել քովիդի դեմ պայքարում
Փհենյանի իշխանությունները չեն արձագանքել Հարավային Կորեայի նախաձեռնությանը...
Հայաստանում կատարվել է կորոնավիրուսի դեմ 2 միլիոն 188 հազար 62 պատվաստում
Բուստեր՝ երրորդ դեղաչափ ստացել է 51 հազար 361 մարդ...
ՄԱԿ-ը պատրաստ է օգնել ԿԺԴՀ-ին կորոնավիրուսի բռնկման դեմ պայքարում
Մենք մտահոգությամբ հետեւում ենք կորոնավիրուսի բռնկմանը ԿԺԴՀ-ում:
Կիմ Չեն Ընն առաջին անգամ հանրությանը ներկայացել է դիմակով
Հյուսիսային Կորեայի առաջնորդը հանրությանն է ներկայացել բժշկական դիմակով...
Հյուսիսային Կորեայում կորոնավիրուսով վարակման առաջին դեպքն է հայտնաբերվել
Հյուսիսային Կորեայի տարածքում կորոնավիրուսով վարակման առաջին դեպքն է հայտնաբերվել, նշել է Կորեայի կենտրոնական հեռագրական գործակալությունը...
Եվրոպայի օդանավակայաններում եւ ինքնաթիռներում դիմակ կրելն այլեւս պարտադիր չի լինի
Նոր հանձնարարականներն ուժի մեջ կմտնեն 2022 թվականի մայիսի 16-ից...
Ֆոտոռեպորտաժներ