News
Լրահոս
News
Հինգշաբթի
Մայիս 19
USD
457.49
EUR
481.19
RUB
7.22
Տեսնել լրահոսը


Դատարանի որոշումը սպասելի էր, որովհետեւ նախկին փուչիկները, որոնք մարդիկ ձեւավորել էին, պայթեց. Արդարացի դատավարություն եղավ եւ այդ ամեն ինչը պարզվեց: Այս մասին, հունվարի 26-ի երեկոյան, կալանավայրից դուրս գալուց հետո լրագրողների հետ րույցում ասաց «Սիսական» ջոկատի հրամանատար Աշոտ Մինասյանը (Աշոտ Երկաթ):

Հարցին, թե որոնք են լինելու իր առաջին քայլերը, նա պատասխանեց. «Առաջինը պետք է այցելեմ Վեհափառին, օրհնություն ստանամ: Օրս կանկացնեմ ընտանիքիս հետ: Հունվարի 28-ին, քանի որ բանակ չունենք, բայց ունենք լիքը տղերք, որոնք է բանակի համար, հայրենիքի համար հոգի ու կյանք են տվել, կայցելեմ «Եռաբլուր», կհանդիպեմ տղերքին: Կգնամ իմ զոհված գեներալներին, սպարապետին, իմ զինվորներին զեկույց տալու: Ամսի 29-ին կհանդիպեմ իմ մարտական ընկերներին, կմտնեմ իմ մարտական տրամադրության մեջ, ինչպիսին եղել եմ կյանքում եւ կշարունակեմ այնպես, ինչպես ապրել եմ»:

Նա նշեց, որ Գորիսի ՔԿՀ-ում պահվում է նաեւ Գորիսի համայնքապետ Առուշ Առուշանյանը. «Կալանավայրերում տանջվում, չարչարվում են, չեմ ասում ծեծում են, չկա այդպիի բան, բայց կա մեկ ուրիշ բան՝ մարդուն հոգեպես կոտրել: Իսկ դրան ենթարկեցին Մեղրիից Մխիթար Զաքարյանին, Սիսիանից Արթուր Սարգսյանին, Քաջարանից Մանվել Փարամազյանին, Գորիսի փոխքաղաքապետ Մենուային, եւ բազում տղաների: Բոլորի հանդեպ, որոնք դուրս կգան ճշմարտությունն ասելու, ասելու, որ հայրենիքը կործանվում եւ կործանում են այսօրվա իշխանությունները, բոլորին կփակեն, կփորձեն հանձին առաջին դեմքերի կոտրել ամբողջ ժողովրդին: Ժողովրդին ասում են՝ տեսեք, քաղաքապետին չենք խնայել, դեպուտատին չենք խնայել, ձեզ էլ չենք խնայի: Ժողովրդի այն մասնիկը, որը գիտակցում է՝ ինչ է հայրենիը, կուչ չի գալու, ծնկի չի գալու»,-ասաց նա:

Աշոտ Մինասյանը հայտարարեց, որ իր հանդեպ տեղի ունեցածից հետո ինքն ավելի է ակտիվացնելու իր գործունեությունը. «Փողոցներում ծեծված, պադիեզներում վախեցած, հայաթներում կուչ եկած տեսակն այսօր իշխանության է: Ի՞նչ էիք ուզում նրանցից: Ես կոչ կանեի՝ ոտքի ժողովուրդ»,-ընդգծեց նա:

Նշենք, որ «Սիսական» ջոկատի հրամանատար Աշոտ Մինասյանը (Աշոտ Երկաթ) երեկ երեկոյան ազատ արձակվեց կալանքից։ Դատարանի որոշմամբ՝ նրա նկատմամբ որպես խափանման միջոց ընտրված կալանավորման փոխարեն կիրառվեց չհեռանալու մասին ստորագրություն եւ գրավ։

Տպել