News
Լրահոս
News
Կիրակի
Մայիս 22
USD
458.98
EUR
485.74
RUB
7.81
Տեսնել լրահոսը

Կառավարությունն իր այսօրվա՝ հունվարի 27-ի նիստում մի շարք որոշումներ ընդունեց, որոնք վերաբերում են գյուղոլորտին:

փոփոխություններ կատարեց  «Կորոնավիրուսի տնտեսական հետևանքների չեզոքացման առաջին միջոցառումը հաստատելու մասին» որոշման մեջ, որը վերաբերում է ագրոպարենային սարքավորումների լիզինգի ծրագրին:

Էկոնոմիկայի նախարար Վահան Քերոբյանը նշեց, որ մասնավորապես, ագրոպարենային սարքավորումների լիզինգի նոր պայմանները հետեւյալն են. կանխավճարի չափը՝ 20 տոկոս, լիզինգի առավելագույն տոկոսադրույքը բանկերի համար դրամով մինչեւ 12 տոկոս է, արտարժույթով՝ մինչեւ 9 տոկոս:

«Սուբսիդավորման արդյունքում տնտեսվարողին հասանելի կլինի ՀՀ դրամով՝ 2 տոկոսով, եւ արտարժույթով՝ 3 տոկոսով: Ձեռքբերվող սարքավորումների արժեքների հանրագումարը մեկ տնտեսվարողի համար մինչեւ 1 մլրդ դրամ է, այս չափը չենք փոխել: Մարման ժամկետը մինչեւ 5 տարի է, արտոնյալ ժամկետը՝ մինչեւ 3 ամիս: Կա նաեւ դադարի շրջանների հնարավորություն, տարեկան մինչեւ 6 ամիս:

Գյուղտեխնիկայի լիզինգի ծրագրի պայմաններն են՝ 20 տոկոս կանխավճար,  լիզինգի տոկոսադրույքը մինչեւ 14 տոկոս, սուբսիդավորման արդյունքում տնտեսվարողին հասանելի կլինի 2 տոկոսով: Ձեռքբերվող տեխնիկայի ընդհանուր գումարը մեկ տնտեսվարողի համար մինչեւ 250 մլն դրամ է, որը բարձրացրել ենք 50 մլն-ով: Մարման ժամկետը մինչեւ 10 տարի է: Կա նաեւ դադարի շրջանների հնարավորություն, տարեկան մինչեւ 6 ամիս:

Երրորդ ծրագիրը ինտենսիվ այգեգործության եւ բարձրարժեք մշակաբույսերի մշակության ծրագիրն է: Այստեղ վարկի տոկոսը մինչեւ 14 տոկոս է, սուբսիդավորման արդյունքում այն տնտեսվարողին հասանելի կլինի 2 տոկոս: Վարկի մարման ժամկետը այգի հիմնելու դեպքում 8 տարի է, կարկտապաշտպանի դեպքում 7 տարի, ոռոգման համակարգերի եւ ջրավազանների դեպքում 4 տարի, ոչ ավանդական մշակաբույսերի դեպքում 2 տարի եւ այլն:

Մայր գումարի արտոնյալ ժամկետը այգի հիմնելու դեպքում մինչեւ 5 տարի է, կարկտապաշտպանի դեպքում մինչեւ 3 տարի, ոռոգման համակարգերի եւ ջրավազանների դեպքում մինչեւ 1 տարի, ոչ ավանդական մշակաբույսերի դեպքում մինչեւ 1 տարի»,-ասաց նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ղազախական «FlyArystan»-ը թռիչքներ կիրականացնի Ալմաթիից Երևան
Ուրախությամբ տեղեկացնում ենք Ալմաթի-Երևան նոր ուղղությամբ թռիչքի մասին…
Դոլարի փոխարժեքը նվազել է եւս 5 դրամով. Եվրոն էժանացել է 6 դրամով
ԱՄՆ դոլարի փոխարժեքն այսօր՝ մայիսի 13-ին, կազմել է…
Պատրաստ ենք Հայաստանում նոր ծրագրեր իրականացնել. Կոնրադ Ադենաուեր հիմնադրամի տարածաշրջանային ծրագրի նորանշանակ ղեկավար
Փոխվարչապետ Մաթևոսյանն ընդունել է Կոնրադ Ադենաուեր հիմնադրամի տարածաշրջանային ծրագրի նորանշանակ ղեկավարին…
Սեւանում ջրի սակավությունը մոտ 300 մլն խմ է. Գյուղատնտեսության նախկին փոխնախարար
«Նախ պետք է 100 տոկոսով լցնել ջրամբարները եւ նոր մտածել ՀԷԿ-ի շահագործման մասին...
Այս տարի տեղական արտադրության պարենի գները կշարունակեն բարձրանալ. փորձագետ
Տեղական արտադրության պարենամթերքի գները կշարունակեն բարձրանալ...
Բանկային քարտով գնումների դեպքում թոշակառուների քարտին որոշակի տոկոս հետ կգա. Փաշինյան
Կառավարությունը նախատեսում է սոցիալական նշանակության նոր համակարգ ներդնել...
Ֆոտոռեպորտաժներ