News
Լրահոս
News
Կիրակի
Մայիս 22
USD
458.98
EUR
485.74
RUB
7.81
Տեսնել լրահոսը

Հայաստանն առաջընթաց է գրանցել ժողովրդավարության զարգացման գործում, ասվում է Եվրոպայի խորհրդի խորհրդարանական վեհաժողովին (ԵԽԽՎ) ներկայացված զեկույցում։

«Զեկույցում Մոնիտորինգային կոմիտեն ողջունում է այն փաստը, որ Հայաստանը զգալի առաջընթաց է գրանցել իր ժողովրդավարական զարգացման գործում 2018 թվականին քաղաքական ղեկավարության փոփոխությունից հետո եւ հաջողությամբ դուրս է եկել լուրջ քաղաքական ճգնաժամից, որն առաջացել էր Լեռնային Ղարաբաղի հակամարտության հետեւանքով, որը հաղթահարվեց մինչեւ 2021 թվականի հունիսին կայանալիք խորհրդարանական ընտրությունները»,- ասվում է զեկույցում։

Զեկույցում կոմիտեն գնահատում է ձեռք բերված առաջընթացը եւ մնացած խնդիրները, այդ թվում՝ ընտրական բարեփոխումների, ինստիտուցիոնալ ուժերի հավասարակշռության, քաղաքական միջավայրի, դատաիրավական բարեփոխումների եւ ԶԼՄ-ների միջավայրի հետ կապված, եւ մի շարք կոնկրետ առաջարկություններ է տալիս:

Կոմիտեն կշարունակի ուշադիր հետեւել Հայաստանում ժողովրդավարական ինստիտուտների գործունեությանն առնչվող զարգացումներին, այդ թվում՝ Հայաստանի համար Եվրոպայի խորհրդի Գործողությունների պլանի համատեքստում:

Ընդհանուր առմամբ, Վեհաժողովը ողջունում է այն փաստը, որ Հայաստանը հաջողությամբ դուրս է եկել քաղաքական լուրջ ճգնաժամից, որը հրահրվել է Լեռնային Ղարաբաղի հակամարտության ելքով։ Ճգնաժամը լուծվեց 2021 թվականի հունիսին կայացած արտահերթ ընտրություններով, որոնք կազմակերպվեցին ժողովրդավարական ճանապարհով՝ չնայած խիստ բեւեռացված միջավայրին, նշվում է զեկույցում։

«Վեհաժողովը ողջունում է նաեւ բարեփոխումների իրականացումը, 2018 թվականին քաղաքական ղեկավարության փոփոխությունից հետո նոր նախագծերի մեկնարկը եւ Հայաստանի եւ Եվրոպայի խորհրդի համագործակցության աստիճանը, այդ թվում՝ խորհրդարանական պատվիրակության մակարդակով»,- ասվում է զեկույցում։

«Մասնավորապես, 2019 թվականի հոկտեմբերին Անձնական տվյալների մշակման մասով Անձանց պաշտպանության մասին կոնվենցիան փոփոխող արձանագրության ստորագրումը, 2020 թվականի մայիսին Սեռական շահագործումից եւ սեռական բռնությունից երեխաների պաշտպանության մասին կոնվենցիայի վավերացումը, նոր Քրեական օրենսգրքի եւ նոր Քրեական դատավարական օրենսգրքի ընդունումը 2021 թվականին, որոնք շատ ավելի համահունչ են եվրոպական չափանիշներին, քան նախորդ օրենսգրքերը»,- հավելում են զեկույցների հեղինակները։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԲԴԽ-ում ընդունել են ԵԽ երևանյան գրասենյակի ներկայացուցիչներին
Քննարկման մասնակիցները պայմանավորվածություն են ձեռք բերել համանման հանդիպումները շարունակական դարձնելու և առկա համագործակցությունը...
«Որոշ երկրներ կրոնն օգտագործում են որպես գործիք». ԵԽԽՎ-ում Արմեն Գևորգյանը ներկայացրել է զեկույցի նախագիծ
ԵԽԽՎ գարնանային նստաշրջանի ընթացքում ՀՀ ԱԺ Տարածաշրջանային…
Ազգային ինքնորոշման պատմականորեն ընդգծված ձգտումները շարունակելու են ազդեցություն ունենալ Եվրոպայում. Արմեն Գևորգյան
Ակնհայտ է, որ նոր Եվրոպան մինչ այժմ չի կարողացել գտնել ժողովուրդների ինքնորոշման իրավունքի ամենախելամիտ եւ նորագույն լուծումը...
Ճիշտ ժամանակն է ընդունելու ԵԽ-ի համար Լիսաբոնի պայմանագրի մեր սեփական տարբերակը. Արմեն Գեւորգյանը՝ ԵԽԽՎ-ում
Պետք է մտածենք՝ ինչպես դասեր քաղել այն ամենից, թե Եվրամիությունն ինչ վերաբերմունք է ցույց տալիս իր անդամներին ժողովրդավարական ճանապարհից հետ կանգնելու համար...
Եվրոպայի խորհուրդը պատրաստ է հարթակի դեր խաղալ Հայաստանի եւ Ադրբեջանի միջեւ հարաբերությունների կարգավորման գործընթացում
Ընդ որում, Լեռնային Ղարաբաղի «գազային շրջափակման» հարցը չի քննարկվել․․․
Ադրբեջանը շարունակում է չկատարել ՄԻԵԴ-ի որոշումները
Նախորդ տարի Ադրբեջանը հասցված վնասը փոխհատուցել է 51 գործով, սակայն միայն 23 դեպքում է ժամանակին վճարվել փոխհատուցումը...