News
Լրահոս
News
Երեքշաբթի
Մարտ 19
Տեսնել լրահոսը

Պենտագոնը մանրամասներ է ներկայացրել Ուկրաինային 200 միլիոն դոլար արժողությամբ ռազմական օգնության փաթեթի մասին, որը նախագահ Ջո Բայդենը հաստատել էր անցյալ ամիս, գրում է Defense Post-ը։

Լրացուցիչ տեղեկություններն առնչվում են վերջերս Ուկրաինա 79 տոննա զինտեխնիկայի, այդ թվում՝ Javelin հակատանկային հրթիռների մատակարարման հետ։

Փաթեթը, 300 Javelin հրթիռներից բացի, ներառում է հակատանկային համակարգեր, զինամթերք, նռնականետեր եւ ոչ մահաբեր սարքավորումներ, լրագրողներին ասել է Պենտագոնի ներկայացուցիչ, ծովային հետեւակի փոխգնդապետ Անտոն Սեմելրոտը։

Վերջին խմբաքանակը, ենթադրաբար երրորդը, Կիև է ժամանել կիրակի օրը։

Պենտագոնի խոսնակ Ջոն Քիրբին ասել է, որ ԱՄՆ-ն մի քանի ամիս վերահսկել է Ռուսաստանի նախագահի կողմից Ուկրաինայի հետ սահմանի երկայնքով ռազմական ուժերի ավելացմանը:

Մեկնաբանությունները հնչել են այն ժամանակ, երբ ԱՄՆ-ն պատրաստվում է հազարավոր զորքեր ուղարկել Եվրոպա:

Մյուս ստորաբաժանումները նույնպես բարձր պատրաստվածության են բերվել, ասել է Քիրբին: Նա նշել է, որ այդ ստորաբաժանումների զինվորականները, մարտական ​​հզորությունից  բացի, կարող են բժշկական, ավիացիոն եւ նյութատեխնիկական աջակցություն ցուցաբերել:

Պենտագոնի ներկայացուցիչը խոստովանել է, որ ռուսական ներխուժումն Ուկրաինա «կարող է անխուսափելի լինել», սակայն հրաժարվել է այն ենթադրությունից, որ ԱՄՆ ռազմական օգնությունը չափազանց երկար է հասնում այդ արեւելավրոպական երկիր:

Քիրբին նշել է, որ ԱՄՆ-ն արդեն երեք խմբաքանակ ռազմական օգնություն է ուղարկել Ուկրաինա, եւ հավելել է, որ «էլի կուղարկի»։ «Կարծում եմ՝ դուք կարող եք հասկանալ, թե ինչու ենք մենք ցանկանում զգույշ լինել Ուկրաինային տրամադրված հնարավորությունները հրապարակայնորեն գովազդելիս՝ հաշվի առնելով դրանց չափն ու ծավալը, ինչպես նաեւ՝ այն հնարավորությունները, որոնք տեղակայված են նրանց սահմանի մյուս կողմում»,- ասել է նա:

 

!
Այս նյութը հասանելի է նաև   Русский
Տպել
Ամենաշատ