News
Լրահոս
News
Երեքշաբթի
Մարտ 19
Տեսնել լրահոսը


Ես հույս ունեմ, որ մենք կկարողանանք վերականգնել մեր բանակը այն աստիճանի, որ մեր թշնամի հարեւանները կհասկանան, որ մեզ հետ ուժի դիրքից չի կարելի խոսել: Այս մասին, այսօր՝ հունվարի 28-ին՝ Բանակի օրը, «Եռաբլուր» պանթեոնում լրագրողների հետ զրույցում նշեց ԱԺ «Քաղաքացիական պայմանագիր» խմբակցության պատգամավոր, ազատամարտիկ Հակոբ Ասլանյանը:

«Ես կուզանայի, որ մենք ամեն ինչ անեինք, որ մեր բանակը դառնար այն, ինչ պետք է երկրին ու մեր ժողովրդին: Ներկայիս դրությամբ ամեն ինչ արվում է, որ բանակը վերականգնվի, բայց իրավիճակն ու ժամանակը շատ բաներ թույլ չեն տալիս, հնարավորությունները դեռ այդքան չկան: Բայց մենք ի վերջո, մեր մեջքը կուղղենք, իսկ դա կլինի նաեւ առաջին հերթին բանակի ուղղումը:

Նապոլեոնն ասում էր՝ այն ժողովուրդը, որ չի ցանկանում կերակրել սեփական բանակին, կերակրում է ուրիշի բանակին: Մենք բանակի վրա ոչինչ չպետք է ափսոսանք, պետք է մեր ռազմարդյունաբերական պոտենցիալը հզորացնենք: Հայ ժողովուրդը ունի իր ուղեղի պոտենցիալը: Եթե մենք ինքներս մեզ չխանգարենք, ապա շատ արագ կկարողանանք ոտքի կանգնել»,-աասաց նա:

Դիտարկմանը, որ Բանակի 30-ամյակը շուքով չի նշվում, պատգամավորն ասաց. «Որեւէ միտում չկա, վարչապետը հիվանդ է, ստացվել է այսպիսի իրավիճակ: Քիչ առաջ մենք ԱԺ նխագահի եւ փոխվարչապետի ուղեկցությամբ մեր հանգնքի տուրքը մատուցեցինք, կարիք չկա այս հասարակ բաները մանիպուլացնել այսօր: Այո, այսօր մեր բանակի 30-րդ տարեդարձն է, այսօր պետք է հասկանանք՝ մեզնից յուրաքանչյուրն ինչպե՞ս կարող է օգնել, որ մենք շատ արագ վերականգնվենք, մեր երկիրը շատ բանի կարիք ունի: Ցավալիորեն չենք կարողանում երկրի ցավերից խոսել: Գուցե չենք հասել այն մակարդակին, որ ավելի շատ մեր հայրենիքը սիրենք, քան մեր ընտանիքը»:

Հարցին, թե 44-օրյա պատերազմից իչ դասեր ենք քաղել, դա բանակի՞ պարտությունն էր, թե՞ ապաշնորհ կառավարման, Հակոբ Ասլանյանը պատասխանեց. «Բանակը չի պարտվել: Այդտեղ բազմաթիվ հանգամանքներ կան, որ ոտքի վրա չի կարելի ասել: Սա մեր բոլորի սխալի հետեւանքով է:  Մեզնից յուրաքանչյուրը իրեն հարց տվե՞լ է, թե այդ 26 տարվա ընթացքում մեզնից յուրաքէանչյուրն ի՞նչ է արել, որ մեր երկիրը չգնա պարտության: Մեր պարտության հիմքերն իրականում դրվել են 1994-ի մայիսին: Մեր պարտությունը նոր չի սկսվել: Սկսվել է այն րոպեից, երբ պատերազմի դաշտում հաղթանակած մարդիկ, կողմը չկարողացավ  քաղաքական այնպիսի օրակարգ բերել, որ թշնամուն ստիպելու պայմանագիր կնքել, եւ զինադադար կնքվեց»,-ասաց նա:

Նշենք, որ այսօր Բանակի 30-ամյակն է, սակայն այն գրեթե չի նշվում: ՀՀ վարչապետ Նիկոլ Փաշինյանը վարակվել է կորոնավիրուսով եւ ինքնամեկուսացել: Նույն վիճակում են նաեւ Գլխավոր շտաբի բարձրաստիճան սպաների մեծ մասը, որոնք բոլորը մասնակցել են ՊՆ նախարար Սուրեն Պապիկյանի հարսանիքին:

Տպել
Կարդացեք նաև
Ամբողջը
«Հրապարակ». Ի՞նչ գնումներ է կատարել Քրիստիննե Գրիգորյանը
Արտաքին հետախուզական ծառայության մասին սա, թերեւս, միակ տեղեկությունն է, որ հայտնի է։ Որեւէ մեկին...
«Ժողովուրդ». Գյուղատնտեսությունը անկում է ապրել. Նիկոլ Փաշինյանը խաբել է. մաս 183
Ժողովուրդ օրաթերթը համադրելով պաշտոնական տեղեկությունները, պարզեց, որ իրականում Հայաստանում...
«Հրապարակ». Փաշինյանին չի հաջողվում ՔՊ-ն դարձնել եվրոպական ազդեցիկ կուսակցություններից որեւէ մեկի անդամ
Դեռ շաբաթներ առաջ ՔՊ-ական մեր աղբյուրներն ասում էին, որ կարծես որոշում ունեն եւ անդամակցության հայտ են...
«Հրապարակ». Լեւոն Քոչարյանը կուսակցություն կբացի՞
Չկան կուսակցություն բացելու մտադրություններ, իսկ հիմա զբաղված եմ, շտապում եմ քննարկման...
«Ժողովուրդ». Դատական համակարգում ՍԴ դատավորի նոր հավանական թեկնածուի անուն է շրջանառվում
Քաղաքական իշխանությունը իր «սրտի» թեկնածուին է փորձում առաջ տանել, իսկ դատական համակարգը չի...
«Հրապարակ». Միլիարդներ նորաստեղծ ՊՈԱԿ-ների համար
Նախագծից տեղեկանում ենք նաեւ, որ ստեղծվելիք ՊՈԱԿ-ը պետք է զբաղվի ինչ-որ համակարգչային ծրագրերի...
Ամենաշատ