News
Լրահոս
News
Երկուշաբթի
Մայիս 23
USD
455.73
EUR
486.58
RUB
7.89
Տեսնել լրահոսը

Ավստրալիայի վարչապետ Սքոթ Մորիսոնը խոստացել է եւս 1 միլիարդ ավստրալական դոլար (703 միլիոն դոլար) հատկացնել Մեծ արգելախութի պաշտպանությանը՝ զբոսաշրջության ոլորտում հազարավոր աշխատատեղերի ապահովման համար, հայտնում է Reuters-ը։

Խութը՝ Ավստրալիայի ամենահայտնի բնական տեսարժան վայրերից մեկը, որին գլոբալ տաքացում է  սպառնում, շանթարգել է դարձել իշխող պահպանողական կոալիցիայի՝ հանածո վառելիքի աջակցության քննադատության համար:

«Մենք աջակցում ենք խութի առողջությանը եւ տուրօպերատորների, հյուրընկալության մատակարարների եւ Քվինսլենդի համայնքների տնտեսական ապագային, որոնք գտնվում են խութերի տնտեսության հիմքում», - ասաց նա:

Լրացուցիչ ֆինանսավորումը, որը կօգտագործվի առաջիկա ինը տարվ ընթացքում, կլրացնի գոյություն ունեցող 2 միլիարդ ավստրալական դոլար արժողությամբ փաթեթը, որը նախատեսված է առաջիկա երեք տասնամյակների ընթացքում խութի բնապահպանական սպառնալիքներից պաշտպանելու համար:

Բաղկացած ավելի քան 3000 առանձին խութերից, որոնք տարածվում են 2300 կմ երկարությամբ՝ Մեծ արգելախութը երեք տասնամյակի ընթացքում  ջերմային ալիքների պատճառով կորցրել է իր մարջանների կեսից ավելին, որոնք վերջին հինգ տարում երեք խոշոր գունազրկման դեպքեր են առաջացրել:

Նոր միջոցների կեսից ավելին կուղղվի ջրի որակի բարելավմանը` հողերի էրոզիայի եւ սննդանյութերի եւ թունաքիմիկատների՝ ֆերմաներից արտահոսքի սահմանափակման միջոցով: Մնացածը կօգտագործվի ինվազիվ տեսակների վերահսկման եւ մոնիտորինգի համակարգերի համար:

 

!
Այս նյութը հասանելի է նաև   Русский
Տպել
Ամենաշատ