News
Լրահոս
News
Չորեքշաբթի
Մայիս 25
USD
452.7
EUR
484.71
RUB
8.02
Տեսնել լրահոսը

Ռուանդան հայտարարել է, որ ամսվա վերջին երեք տարի անց կվերաբացի Ուգանդայի հետ իր ցամաքային սահմանը՝ նշանավորելով մեծ առաջընթացը հարեւանների միջեւ կապերը վերականգնելու ջանքերում, հաղորդում է AFP-ն:

Այդ քայլը հաջորդեց անցած շաբաթվա վերջին Ուգանդայի նախագահ Յովերի Մուսեվենիի ազդեցիկ որդու՝ Մուխուզի Քայներուգաբայի Կիգալի այցին, որի ընթացքում նա եւ Ռուանդայի նախագահ Փոլ Կագամեն խոստացան վերանորոգել հարաբերությունները:

Արեւելյան Աֆրիկայի երկու երկրների միջեւ սահմանը փակվել էր 2019 թվականի փետրվարին, քանի որ քաղաքական լարվածությունը Կիգալիի եւ Կամպալայի միջեւ կտրուկ աճել էր:

Ռուանդայի արտաքին գործերի նախարարության հայտարարության մեջ ասվում է, որ Կատունայի հիմնական սահմանային անցակետը կվերաբացվի հունվարի 31-ին:

«Ռուանդայի կառավարությունը հավատարիմ է մնում Ռուանդայի եւ Ուգանդայի միջեւ առկա խնդիրների լուծման շարունակական ջանքերին եւ կարծում է, որ այսօրվա հայտարարությունը դրական ներդրում կունենա երկու երկրների միջեւ հարաբերությունների շուտափույթ կարգավորման գործում»,- ասվում է հայտարարության մեջ:

!
Այս նյութը հասանելի է նաև   English and Русский
Տպել
Ամենաշատ