Կատարը համաձայնության է հասել թալիբների հետ՝ Քաբուլի օդանավակայանից տարհանման չարտերային չվերթ վերսկսելու շուրջ, հաղորդում է Axios-ը՝ վկայակոչելով Կատարի արտաքին գործերի նախարար շեյխ Մուհամեդ բին Աբդուլրահման Ալ Թանիին։
Համաձայնագիրը նախատեսում է Qatar Airways-ի շաբաթական երկու չվերթ եւ թույլ կտա Միացյալ Նահանգներին եւ այլ երկրներին տարհանել իր հազարավոր քաղաքացիների եւ ռիսկի տակ գտնվող աֆղանստանցիների։
Կատարի կառավարության բարձրաստիճան աղբյուրը հունվարի 27-ին Reuters-ին հայտնել է, որ Qatar Airways-ը վերսկսել է Աֆղանստանից ուղեւորներին տարհանելու համար թռիչքները երկամսյա դադարից հետո։
Բանակցություններ են ընթանում նաեւ շաբաթական մեկ չվերթ թույլ տալու համար, որն իրականացնում է աֆղանական Ariana ավիաընկերությունը։