Ղազախստանում կայունությունը եւ հանգստությունը կարեւոր են Իրանի համար։ Այդ մասին հայտարարել Է Իրանի նախագահ Սեյեդ Իբրահիմ Ռաիսին՝ Ղազախստանի նախագահ Կասիմ-Ժոմարտ Տոկաեւի հետ հեռախոսազրույցում, փոխանցում է Mehr-ը։
«Մենք աջակցում ենք տարածաշրջանում խաղաղությանն ու կայունությանը», - հավելել Է Ռաիսին՝ նախազգուշացնելով, որ օտարերկրյա միջամտությունը սպառնալիք է ստեղծում տարածաշրջանային կայունության համար։
«Դիվանագիտական հարաբերությունների հաստատումից ի վեր անցած 30 տարիների ընթացքում երկու երկրները կարողացել են միմյանց հետ սերտ եւ բարեկամական հարաբերությունների բարենպաստ մակարդակ ստեղծել», - իր հերթին ասել է Ղազախստանի նախագահը՝ շնորհակալություն հայտնելով Իրանին Ղազախստանի անկախությանն աջակցելու համար:
«Ես վստահ եմ, որ երկկողմ հարաբերությունների ապագան շատ արդյունավետ ու վառ կլինի», - հավելել է նա:
