Իրաքի նոր գումարման Ներկայացուցիչների խորհուրդը (խորհրդարանը) երկուշաբթի չի կարողացել ընտրել Հանրապետության նախագահին եւ նիստը հետաձգել է անորոշ ժամանակով: Այս մասին հայտնել Է Sky News Arabia հեռուստաալիքը ՝ վկայակոչելով իր աղբյուրները։
Օրենսդիրները պետք է քվեարկեին պետության ղեկավարի պաշտոնի համար իրենց ներկայացրած թեկնածությունների վերաբերյալ, սակայն առաջատար դաշինքները դեռ անցած շաբաթ հայտարարել էին, որ բոյկոտելու են նիստը: Արդյունքում պատգամավորները չեն կարողացել հավաքել անհրաժեշտ ձայների երկու երրորդը. դահլիճում, հեռուստաալիքի տվյալներով, ներկա են եղել 329 խորհրդարանականներից ընդամենը 58-ը։