Ուկրաինայի նախագահ Վլադիմիր Զելենսկին ու Ֆրանսիայի առաջնորդ Էմանուել Մակրոնը քննարկել են անվտանգության ոլորտում իրավիճակն ու սատարել Եռակողմ շփման խմբի նիստն անհապաղ գումարելու գաղափարը:
Այդ մասին հայտնել է Ուկրաինայի նախագահը թվիթերյան էջում, հաղորդում է «Ուկրինֆորմը»
«Որպես երեկ կայացած հեռախոսազրույցի շարունակություն՝ տեղեկացրել եմ Էմանուել Մակրոնին անվտանգության ոլորտում ընթացիկ իրավիճակի եւ նոր սադրիչ հրետակոծության մասին: Ներկայանում ենք հօգուտ խաղաղ գործընթացի ակտիվացման: Սատարում ենք Եռակողմ շփման խմբի անհետաձգելի նիստն ու լռության ռեժիմի անհապաղ սահմանումը»,-գրել է Զելենսկին:
Նշենք, որ նախքան այդ Մակրոնը հեռախոսազրույց է անցկացրել Ռուսաստանի նախագահ Վլադիմիր Պուտինի հետ, որը տեւել է 1 ժամ 45 րոպե: Ուկրաինայի արեւելքում իրավիճակի մասին Զելենսկի-Մակրոն նախորդ հեռախոսազրույցը տեղի է ունեցել փետրվարի 19-ի երեկոյան: