Հնդկաստանը խորին մտահոգություն է հայտնել Ռուսաստանի հետ Ուկրաինայի սահմանի երկայնքով լարվածության աճի կապակցությամբ՝ կողմերին կոչ անելով «առավելագույն զսպվածություն ցուցաբարել» եւ ակտիվացնել դիվանագիտական ջանքերը՝ Արեւելյան Եվրոպայում ճգնաժամի «փոխադարձ բարեկամական լուծում» գտնելու համար, տեղեկացնում է Hindustan Times-ը:
ՄԱԿ-ում Հնդկաստանի մշտական ներկայացուցիչ Տ․Ս․Տիրումուրտին ներկայացրել է երկրի դիրքորոշումը ՄԱԿ-ի ԱԽ-ի արտակարգ նիստում։
«Մենք ուշադիր հետեւում ենք Ուկրաինայում իրադարձությունների զարգացմանը, այդ թվում՝ Ուկրաինայի արեւելյան սահմանի երկայնքով զարգացումներին եւ Ռուսաստանի Դաշնության համապատասխան հայտարարությանը»,- ասել է Տիրումուրտին:
«Ռուսաստանի Դաշնության հետ Ուկրաինայի սահմանի երկայնքով լարվածության աճը մտահոգություն է առաջացնում։ Այս իրադարձությունները կարող են խաթարել տարածաշրջանում խաղաղությունն ու անվտանգությունը»,- հավելել է նա։