ԵՄ դեսպանները պայմանավորվել են ԴԺՀ-ից եւ ԼԺՀ-ից Ռուսաստանի քաղաքացիների անձնագրերը չճանաչելու մասին, տեղեկացնում է Politico-ն՝ վկայակոչելով եվրոպացի դիվանագետների աղբյուրները։
Նշվում է, որ պատժամիջոցները մշակվել են 2014թ․ Ղրիմի Հանրապետության նկատմամբ սահմանափակումների նախագծով։ Եվրոպայում դիվանագիտական աղբյուրները հայտնել են նաեւ փաստաթղթերի չճանաչման մասին, որոնք տրվել են ԴԺՀ-ի եւ ԼԺՀ-ի տարածքում։
«Թվում է, թե ո՛չ մաքոքային դիվանագիտությունը, ո՛չ պատժամիջոցների աստիճանական մոտեցումը չեն կարողացել լուծել այն խնդիրը, որը մենք տեսնում ենք 2014 թ․ ի վեր։ Արեւմուտքը պետք է դասեր քաղի»,- ասել է բարձրաստիճան դիվանագետը, որը ցանկացել է անանուն մնալ:
