ՌԴ նախագահ Վլադիմիր Պուտինը հրամանագիր է ստորագրել «Ռուսաստանի Դաշնության ֆինանսական կայունությունն ապահովելու համար լրացուցիչ ժամանակավոր տնտեսական միջոցառումների մասին»։
Հրամանագրի համաձայն՝ ընթացիկ տարվա մարտի 2-ից արգելք է դրվում Ռուսաստանի Դաշնությունից 10 000 ԱՄՆ դոլարին համարժեք կանխիկ արտարժույթ եւ (կամ) արտարժույթով դրամական գործիքներ հանելու վրա, որը հաշվարկվում է հանելու օրվա դրությամբ Ռուսաստանի Դաշնության Կենտրոնական բանկի պաշտոնական փոխարժեքով, հայտնում է Կրեմլի մամուլի ծառայությունը: