Պետք է հրաժարվել պատրանքներից, որ այս կամ այն քաղաքական համակարգը կարող է իդեալական լինել։ Դա վերաբերում է ինչպես խորհրդարանական, այնպես էլ նախագահական կառավարման համակարգերին։ Այս մասին մարտի 2-ին ՀՀ Ազգային ժողովի նիստին հանրապետության նոր նախագահի ընտրության հարցի քննարկման ժամանակ հայտարարեց թափուր պաշտոնի միակ թեկնածու, բարձր տեխնոլոգիական արդյունաբերության նախարար Վահագն Խաչատրյանի։
Թեկնածուի խոսքով՝ ինքը խորհրդարանում վերջին անգամ ելույթ է ունեցել 1999 թվականին։
Նա նշեց, որ Սահմանադրությամբ ամրագրված նորմերը հակակշիռների որոշակի մեխանիզմներ են նախատեսում, որոնք կոչված են ապահովելու իշխանության երեք թեւերի ներդաշնակությունը։ «Այս համակարգում իր առանձնահատուկ դերն ունի նախագահի ինստիտուտը: Սահմանադրության համաձայն՝ նա պետության ղեկավարն է եւ պարտավոր է վերահսկել դրա պահպանումը։ Իրողությունները ճիշտ գնահատելու համար պետք է ձերբազատվել պատրանքներից»,- ասաց Խաչատրյանը։
Նա համոզված է, որ եթե այս կամ այն երկրում ժողովրդավարական ինստիտուտները հետեւողականորեն չեն ամրապնդվում, չեն հարգվում մարդու իրավունքները, ապա ժողովրդավարությունը չի կարող զարգանալ։
Նախագահի աշխատանքը, ըստ նախարարի, կախված կլինի նաեւ իշխանության երեք թեւերի աշխատանքից:
