Վաշինգտոնում Չինաստանի դեսպանատունը քաղաքացիներին կոչ է արել ուժեղացնել անվտանգության միջոցառումները՝ «ԱՄՆ-ում չինացիների նկատմամբ խտրականության աճի պատճառով»։
«Սինոֆոբիան սրվել է: Բազմաթիվ ասիացիներ չարամիտ հարձակումների են ենթարկվել, իսկ ԱՄՆ-ում Չինաստանի քաղաքացիների անվտանգությունը լրջորեն տուժել է»,- հայտնել են դեսպանատանը:
Դեսպանատունը քաղաքացիներին խորհուրդ է տվել խուսափել վեճերից եւ ֆիզիկական կոնֆլիկտներից, հանգստություն պահպանել, ինչպես նաեւ «ուշադրություն դարձնել սեփական անվտանգության ապահովման համար ապացույցներ հավաքելուն»։