Եվրոպայի խորհրդից Ռուսաստանի դուրս գալը ենթադրելու է նաեւ դուրս գալ նրա բոլոր ինստիտուտներից, ասել է ՌԴ նախագահի մամուլի քարտուղար Դմիտրի Պեսկովը, տեղեկացրել է «ՌԻԱ Նովոստի»-ն։
ՌԴ ԱԳՆ-ն հայտարարել է, որ Ռուսաստանը չի մասնակցելու ՆԱՏՕ-ականների եւ նրանց հնազանդորեն հետեւող ԵՄ-ի՝ եվրոպական հնագույն կազմակերպությունը արեւմտյան գերազանցության եւ ինքնասիրության մասին հմայախոսության հերթական հարթակի վերածելու գործին՝ ավելացնելով. «թող վայելեն միմյանց հետ շփումն առանց Ռուսաստանի»։
«Բնական է, որ Եվրոպայի խորհրդից դուրս գալը ենթադրում է նաեւ դուրս գալ բոլոր մեխանիզմներից»,- ասել է Պեսկովը լրագրողների այն հարցին ի պատասխան, թե արդյոք ՌԴ ԱԳՆ-ի հայտարարությունը Եվրոպայի խորհրդից դուրս գալու մասին նշանակում է դուրս գալ նրա բոլոր ինստիտուտներից, ներառյալ ՄԻԵԴ-ից։ Հարցը, թե ինչ պայմաններով Ռուսաստանը կարող է վերադառնալ Եվրոպայի խոհուրդ, Պեսկովը վերահասցեագրել է ՌԴ արտաքին քաղաքական գերատեսչությանը։
«Բոլոր դեպքերում՝ իմ գործը չէ Ռուսաստանի ԱԳՆ-ի հայտարարությունները մեկնաբանելը»,- պարզաբանել է նա։