Ճապոնական գլխավոր Հոնսյու կղզու հյուսիսարեւելյան ափերի մոտ 7,3 մագնիտուդով ուժգին երկրաշարժ է տեղի ունեցել, հայտարարվել է ցունամիի վտանգ, հաղորդում է ՏԱՍՍ-ը՝ վկայակոչելով Ազգային օդերեւութաբանական վարչությունը։

Ստորգետնյա ցնցումների էպիկենտրոնը գտնվել է Ֆուկուսիմա պրեֆեկտուրայի ափերի մոտ, օջախը գտնվել է մոտ 60 կմ խորության վրա: Ֆուկուսիմա եւ Միյագի պրեֆեկտուրաներում մինչեւ 1 մետր բարձրությամբ ցունամիներ են կանխատեսվում։ Մոտ մեկ րոպե տեւողությամբ ուժեղ ցնցումներ են զգացվել նաեւ Տոկիոյում։

Ճապոնիայի վարչապետ Ֆումիո Կիսիդայի գրասենյակին կից ստեղծվել է ինֆորմացիայի հավաքագրման արտակարգ իրավիճակների շտաբ։ 

Այս պահին ավերածությունների կամ զոհերի մասին տեղեկություններ չկան: