News
Լրահոս
News
Հինգշաբթի
Հունիս 30
USD
407.21
EUR
423.54
RUB
7.75
Տեսնել լրահոսը

Վրաստանի արտաքին գործերի նոր նախարար է դարձել 41-ամյա Իլյա Դարչիաշվիլին։ Նա 2021-ից զբաղեցրել է կառավարության աշխատակազմի ղեկավարի պաշտոնը, իսկ մինչ այդ Լեհաստանում Վրաստանի դեսպանն էր։

Վրաստանի վարչապետ Իրակլի Ղարիբաշվիլին այսօրվա ճեպազրույցում տեղեկացրել է, որ Դավիթ Զալկալիանին աշխատանքը կշարունակի որպես Ամերիկայի Միացյալ Նահանգներում Վրաստանի դեսպան, տեղեկացրել է «Новости-Грузия»-ն։

Ղարիբաշվիլին շնորհակալություն է հայտնել նրան ԱԳՆ ղեկավարի պաշտոնում աշխատանքի համար։ «Հրաժարական» բառը ճեպազրույցում վարչապետը չի օգտագործել։

Զալկալիանին փոխվարչապետ էր Իրակլի Ղարիբաշվիլու եւ նախորդ վարչապետի՝ Գերոգի Գախարիայի կառավարությունում։

«Իլյա Դարչիաշվիլին նշանակվել է Վրաստանի արտաքին գործերի նախարար»,- ասել է Ղարիբաշվիլին ճեպազրույցում։

Իլյա Դարչիաշվիլին տարբեր ժամանակներում եղել է Վրաստանի տարածքային զարգացման եւ ենթակառուցվածքի առաջին փոխնախարար, Տեղական ինքնակառավարման ֆոնդի գործադիր տնօրեն, ֆոնդի տնօրենի առաջին տեղակալ, իսկ մինչ պետական պաշտոններ զբաղեցնելը աշխատել է մասնավոր հատվածում։ 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ֆոտոռեպորտաժներ