News
Լրահոս
News
Ուրբաթ
Հուլիս 01
USD
407.21
EUR
423.54
RUB
7.75
Տեսնել լրահոսը

Եվրոպայի խորհրդի գլխավոր քարտուղար Մարիա Պեյչինովիչ-Բուրիչը հայտնել է Հայաստանի եւ Ադրբեջանի միջեւ հարաբերությունների կարգավորման եւ երկու երկրների հասարակությունների միջեւ վստահության հաստատման գործընթացում հարթակի դեր խաղալու Եվրոպայի խորհրդի պատրաստակամության մասին։ Այս մասին նա հայտարարել է Ադրբեջանի նախագահ Իլհամ Ալիեւի հետ հանդիպմանը, հայտնում է ԱՊԱ-ն։

«Գոհունակություն հայտնելով Ադրբեջան կատարած այցի կապակցությամբ՝ Մարիա Պեյչինովիչ-Բուրիչն ասել է, որ բարձր է գնահատում Ադրբեջանի անդամակցությունը Եվրոպայի խորհրդին, նշել է, որ այդ շրջանակում Ադրբեջանը միացել է ԵԽ բազմաթիվ կոնվենցիաներին եւ համապատասխան փաստաթղթերին, ինչի հիման վրա աշխատանքներ են իրականացվում։ Զրույցի ընթացքում գոհունակությամբ է նշվել Ադրբեջանի եւ Եվրոպայի խորհրդի 2022-2025 թվականների գործունեության ծրագրի առաջիկա ընդունումը, որը նախատեսում է համագործակցություն մի շարք ոլորտներում»,- ասված է Ադրբեջանի նախագահի մամուլի ծառայության հաղորդագրության մեջ։

Իլհամ Ալիեւը գլխավոր քարտուղարին տեղեկացրել է «տարածաշրջանում ստեղծված նոր իրավիճակի», հարաբերությունները կարգավորելու համար Ադրբեջանի կողմից ներկայացված առաջարկների մասին, հայտարարել է առաջին պատերազմի ժամանակ անհետ կորածների մասին, ընդգծել է «զանգվածային գերեզմանների մասին Հայաստանի կողմից տեղեկատվության տրամադրման կարեւորությունը՝ նրանց ճակատագրերը պարզելու համար», չնայած հակառակն ապացուցող բազմաթիվ փաստերին, հայտարարել է, որ Ադրբեջանը պահպանել է ՄՄԻ-ի նորմերը։ Կարծես թե Ադրբեջանն ինքը չի պատրաստվում հաղորդել հազարավոր անհետ կորած հայերի ճակատագրի մասին։ Այնուհետեւ Ալիեւը Հայաստանին մեղադրել է ադրբեջանական խաղաղ քաղաքները գնդակոծելու, ականների խնդրի եւ այլնի մեջ։ Ընդ որում, Լեռնային Ղարաբաղի «գազային շրջափակման» հարցը չի քննարկվել, ղարաբաղյան խաղաղ գյուղերի գնդակոծությունը Եվրոպայում նույնպես չեն նկատել, Բաքվում պահվող գերեվարված հայերի ազատ արձակման հարցը ԵԽ-ն նույնպես չի ձգտել քննարկել։

«Նախագահ Իլհամ Ալիեւը նշել է, որ Եվրոպայի խրհուրդը կարող է խաղալ նաեւ հարթակի դեր, որը կկարողանա նպաստել երկու երկրների միջեւ վստահության հաստատմանը եւ Հարավային Կովկասի ինտեգրված տարածաշրջան կառուցելու գործընթացին։

ԵԽ գլխավոր քարտուղարն ընդգծել է, որ այս ոլորտում Ադրբեջանի ցուցաբերած բարձր քաղաքական կամքը հավանության է արժանի։

Եվրոպայի խորհրդի գլխավոր քարտուղար Մարիա Պեյչինովիչ-Բուրիչը հայտնել է Հայաստանի եւ Ադրբեջանի միջեւ հարաբերությունների կարգավորման եւ երկու երկրների հասարակությունների միջեւ վստահության հաստատման գործընթացում հարթակի դեր խաղալու Եվրոպայի խորհրդի պատրաստակամությունը»,- հայտնում է աղբյուրը։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նիկոլ Փաշինյանի իշխանությունը Հայաստանում երաշխավորում է Արցախի նախագահ Արայիկ Հարությունյանը․ Ղազինյան
Ներկա տրածաշրջանային քաղաքական իրավիճակում Արցախի հարցը ստացել է անկյունաքարային նշանակություն, իսկ...
Ադրբեջանի կազմում ցանկացած կարգավիճակ անընդունելի է Արցախի համար․ մեր նպատակն անկախության ճանաչումն է. Արցախի նախագահ
Նախագահ Հարությունյանն Ազգային ժողովում հանդես է եկել ամենամյա հաղորդմամբ…
Նիկոլ Փաշինյանը հայտարարեց, թե Բերձորում ընտանիքներ չեն ապրում՝ մինչդեռ ապրում է մոտ 50 ընտանիք. Բերձորի համայնքապետ
Նիկոլ Փաշինյանի վերջին ասուլիսում հնչեցված արտահայտությունները մեզ համար անակնկալ կամ նորություն չէին...
Զոհված, հաշմանդամ դարձած զինծառայողների ծնողազուրկ ու uակավ ապահովված բազմազավակ ընտանիքների երեխաները կմեկնեն ճամբար
Հիմնավորման համաձայն, ՀՀ վարչապետի որոշմամբ ստեղծվել է միջգերատեսչական հանձնաժողով՝ այդ աշխատանքները կանոնակարգելու և կազմակերպելու համար...
Աղավնոյի համար պայքարը շարունակելու ենք, իսկ Բերձորը ամեն դեպքում պետք է շրջանցենք. Արայիկ Հարությունյան
Մեր պայքարը, իսկ Բերձորում մեր հայրենակիցների ապրելու հնարավորությունը շատ քիչ եմ համարում...
Այսօր հավաքում ենք մեր վրաններն Ազատության հրապարակից եւ պայքարը շարունակում այլ ֆորմատով. զոհված զինծառայողի հայր
Այն, ինչ ուզում էինք անել վրանների միջոցով, արել ենք…
Ամենաշատ
Ֆոտոռեպորտաժներ