Նախօրեին «Երազ» այգում տեղի ունեց ողբերգական պատահարին անդրադարձել է մահացածի քույրը՝ Տաթեւիկ Աբրահամյանը:

Նա Facebook-ի իր էջում գրել է. «Գործընկերներ ջան, մեկը մյուսի հետևից կայքերը տեղադրեցին Երազի այգու զիպլայնում այսօր տեղի ունեցած դժբախտ պատահարը: Հոգուս ցավն անբացատրելի է. մահացածը եղբայրս է, ու թեև սիրտ ու տրամադրություն չունեմ մանրամասնություններ գրելու, բայց անտարբեր չեմ էլ կարող անցնել այն մեկնաբանությունների կողքով, որոնք գրում են: Հայտնում եմ, որ եղբայրս այդ զիպլայնի տնօրենն էր ու մահացել է ոչ թե որևէ անվտանգության խնդրի պատճառով, այլ տնակի վրայից՝ 7 մետր բարձրությունից, ընկել է հաճախորդի մեղքով»:

Ավելի վաղ NEWS.am-ը հայտնել էր, որ ապրիլի 10-ին, ողբերգական դեպք է տեղի ունեցել Երևանում, քաղաքացին«Երազ» այգու գործող՝ մոտ 7 մետր բարձրություն ունեցող զիպլայնից վայր է ընկել: Նա հիվանդանոցում գիտակցության չգալով մահացել է:

Ողբերգական դեպք Երևանում. քաղաքացին զիպլայնից վայր է ընկել եւ մահացել